مي عز الدين: "التمثيل مهنة متعبة.. يارب قويني"

تطرقت الفنانة مي عز الدين عبر حسابها الشخصي على موقع التواصل الاجتماعي الشهير "انستجرام"، عن مصاعب مهنة التمثيل التي يظنها الكثيرون أنها مهنة بدون متاعب، نظرًا لما يحصده الممثل من شهرة وثروة.

وكتبت "مي": "لو الناس تعرف بس المهنة متعبة قد إيه وجواها إيه أقسم بالله كانوا يواسونا مش يحسدونا، كان نفسى لقطات الكواليس متبقاش بس اللحظات النادرة للضحك ولا الهزار.. كان نفسي ينفع تصور عدد الساعات كأن الممثل آلة مش بني آدم".

وأضافت: "كان نفسي تصور الجو اللي بيصور فيه وهو لابس لبس عكسه تمامًا، أو مطلوب منه يستحمل ويمثل ويضحك الناس أو يبكيها.. كان نفسي تصور المشاكل والتعب وأخلاق الناس اللي بيقابلها.. لأنا تعبانة قوي.. يا رب قويني".

وتابعت: "يا رب قويني على شغلي .. ويا رب العمل ينجح ويعجبكم لأن بجد ده اللي جوايا دلوقتي وكان لازم اقوله وأطلعه عشان مبقاش زي كاميرات الكواليس بطلع الحلو بس".