هناء تطلب الخلع.. جوزي مريض بالستات.. و«جابلي عدوى جنسية»

تحلم كل فتاة باليوم الذي ياتي فيه فارس احلامها علي جواده الأبيض، ويقوم بحملها عليه ويتوجه بها إلى عش الزوجية، في يوم وليلة يتحول الحلم إلى كابوس، والفارس إلى وحش كاسر لا يهمه في الحياة الا تلبية رغباته، والسعي وراء فتيات الليل .

زوجة تطلب الخلع أمام محكمة الأسرة ، حيث قامت «هناء» برفع دعوى قضائية أمام محكمة الأسرة، وذلك لخلع زوجها «ياسر»، وذلك بسبب خيانته المستمرة لها والتي انتهت في النهاية بانتقال عدوى جنسية إليها عن طريق المعاشرة الزوجية.

بدات هناء قصتها أمام المحكمة قائلة: «كان بينا قصة حب زي الأفلام من صغري مشوفتش راجل في حياتي غيره.. هو ابن عمتي وأخويا وحبيبي وأبويا.. كل حاجة بالنسبة لي حتى خيانته لي استحملتها لحد ما عرفت إني حامل وعندي عدوى جنسية تسببت لي في إجهاض شوفت السواد كله في الولادة الأخيرة دي وكنت مهددة بشيل الرحم والموت.. في اللحظة دي كرهته وكرهت نفسي حسيت إني بقيت مريضة بيه وزيه».

وقالت هناء "بعد 6 سنوات زواج، اسفر عن طفلين، قامت زوجة تدعى هناء برفع دعوى خلع على زجها ياسر بسبب خيانته لها، وقالت أمام المحكمة: "اخترت الانسحاب.. جوزي مريض بالستات".

وتابعت باكية "كنت حامل من 3 شهور وأجهضت بعد ما عرفت إن عندي مرض اسمه سيلان.. وإن من رحمة ربنا بي تسبب في الإجهاض وإلا كان هيجيب تشوه للطفل كمان.. شوفت الموت في الولادة لأن كان الطفل 6 شهور ولدته ميت قلبي مات معاه.. افتكرت كل لحظات خيانة في حياتنا وكل مرة كان بيرجع فيها وأعمل مش عارفة عشان بحبه".

وأضافت هناء في حديثها قائلة "لجأت للخلع بعد ما رفض الطلاق لكن خلاص مش هينفع أعيش معاه ولازم أقدر على البعد.. عشان أربي ولادي بشكل سليم يدوب صحتي تكفيني أنا وعيالي مش عايزة وجع قلب تاني كفاية اللي حصل.. وهفضل طول عمري أعامله باحترام».

واختتمت حديثها قائلة "قبلت الخيانة عشان كنت بحبه ومش قادرة أبعد عنه ومعنديش دليل على كدة.. كل مرة كنت بقول نزوة وهتعدي لكن المرة دي معدتش.. مبقاش جوايا روح تاني أبص فيها لوشه خلاص مش عايزاه وهو مش عايز يبعد عني".