رد ناري من ريهام سعيد على هجوم «رشاد» بعد انفصاله عن مي حلمي

لازالت أصداء أزمة إلغاء زفاف الفنان محمد رشاد، على خطيبته الإذاعية مى حلمى، يوم السبت الماضى، قبل ساعات قليلة من إقامته داخل أحد الفنادق بالقاهرة، إثر خلاف حاد نشب بينهما، قائمة حتى الأن ، خصوصًا بعد تناول الاعلامية ريهام سعيد لكواليس الحدث خلال برنامجها الجديد "صبايا"، المذاع عبر فضائية الحياة.

تطًُرق "سعيد"، لتفاصيل إلغاء حفل الزفاف أغضب "رشاد" بشدة، ما جعله يشن عليها هجومًا حادًا عبر حسابه بموقع الصور والفيديوهات الشهير "انستجرام"، واصفًا إياها بافتقارها للموضوعية والمصادر القوية- بحسب تعبيره.

الأمر الذي دفع ريهام سعيد بالرد عليه في بيان عبر حسابها بـ"انستجرام"، جاء فيه: "رد واجب لفنان صاعد، أنا في حالة صدمة من تصريحاتك، الصحافة بتتكلم لمدة 3 أيام ومقررتش ترد غير عليّ، مع إني الوحيدة اللي متكلمتش على سبب الانفصال لأنه خاص بيك".

وتابعت "ريهام"، في بيانها: "مفيش حاجة اسمها حياة شخصية دي الضريبة وبالرغم من علمنا بالموضوع يوم الأحد ماذعناش حرف يوم الأحد لحد ما الصحافة كلها اتكلمت مي دخلت المستشفى ولحد ما كلمتها مكالمة وقال هتتكلم عن الموضوع في برنامجي".

واضاف البيان: "حضرتك قمت بتأليف سيناريو إن أنا قولت إنك إتخليت عنها ممكن يوكن إحساسك لكن أنا ما قولتش حاجة شبه كده حتى، انا قلت بتمنى إنكوا تتصالحوا ولو ما حصلش يبقى خير ليكوا انتوا الاتنين". واستكمل: "أنا قلت إني بتكلم عنها مش عنك لأن البنت دايمًا بتتأثر بإلغاء الفرح أكتر من الراجل أستاذ محمد رشاد الـ 5دقايق اللي في صبايا اللي بتمنى فيهم الشفاء لزميلة وبواسيها ما يجوش حاجة جنب الأخبار اللي على المواقع ما تاخدش ريهام سعيد كبش فدا وركز مع مرض خطيبتك وإلغاء زواجك اللي هما أهم بكتير ولللعلم مصادري من أقرب الأقربين لمي وموثقة بصور المحادث".

وأختتمت بيانها قائلة: " زي ما قلت في الحلقة اللي انت ما شوفتهاش بتمنى لكم كل التوفيق". وكان محمد رشاد وجه رسالة إلى ريهام سعيد بعد عرض الحلقة التي تطرقت فيها لازمة زفافه قائلا: " إلى الإعلامية ريهام سعيد أولا إسمي وحياتي الخاصة والعامة لا تعنيكي في شئ ومسمحش إنك تصوريني في صورة إنسان مستهتر بمشاعر إنسانة بيحبها أو بينا شئ محترم ولكن يمكن محصلش بينا نصيب لخلافات خاصة بينا قبل أي حد كائن من كان والقرار بخيره أو بشره عائد علينا أولاً وأخيرًا قدر الله وما شاء فعل إن لم يشأ لو يكن وإن شاء قد كان".

وتابعت: ثانيًا المصادر الموثوقة اللي قالتلك إن مي جالها جلطة في المخ موصلتش لحضرتك إنها كانت معايا أثناء عرض الحلقة بتاعتك بنحاول نوصل لحل يرضي أطراف الخلاف اللي حدث يوم زفافنا ومكنش ولله الحمد عندها جلطة فالمخ بعد الشر عنها وعن أي شخص، معتقدش هتوصلك لأن مصادر يا أستاذة يا كبيرة ضعيفة.

موضوعات ذات صلة...

-محمد رشاد يرد على مهاجميه برسالة لـ”مي حلمي” بعد إلغاء زفافه

-ريهام سعيد ترد على تصريحات محمد رشاد