شغلت أخبار دخول الفنانة المصرية شيرين عبد الوهاب مصحة نفسية الرأي العام في الفترة الماضية و ذلك بعد تداول أنباء عن ذلك عبر وسائل التواصل الاجتماعي وبعض المواقع الإخبارية.
و قد خرج حسام حبيب،طليق شيرين،عن صمته و نفى هذه الأنباء مؤكدًا أن شيرين بخير و لم تدخل أي مصحة نفسية ، وذلك من خلال حواره مع برنامج "ET" بالعربي.
شيرين عبدالوهاب وحسام حبيب
حسام حبيب يوضح الحقيقة
وقال حسام حبيب : كل دا كلام غلط، شيرين كويسة وزي الفل، هي بس حالتها النفسية وحشة بسبب اللي عملوا أخوها فيها.
وعن قصة خلاف شيرين عبدالوهاب مع شقيقها محمد عبدالوهاب ، رد حسام حبيب قائلا: أنا طبعا بشكر شيرين أنها وضحت للناس إني كلامي صح، وكمان مبسوط جدا إنها طلعت اتكلمت، مش عشان اتكلمت عني لا خالص، ولكن عشان طلعت وتحررت، لأني عارف الضغط النفسي اللي عليها عامل إزاي.
وأستكمل حديثه: الله يكون في عونها، ومتعاطف معاها جدا جدا، وبدعيلها ربنا يكرمها ويوفقها ويعوضها عن كل اللي حصل، وإن شاء الله دي تكون بداية جديدة ليها فيها كل خير يا رب.
أول رد من شيرين عبدالوهاب علي أزمتها مع شقيقها
وخرجت شيرين عبدالوهاب عن صمتها لترد لأول مرة علي تصريحات شقيقها محمد عبدالوهاب ، وطليقها السابق حسام حبيب ، وذلك من خلال برنامج "الحكاية" مع عمرو أديب.
وقالت شيرين : عايزاكم متصدقوش أي حاجة من محمد عبدالوهاب وإن شاء الله الأغاني لما تنزل تعجبكم، بالرغم من أن المحكمة حكمت والقضاء المصري أن عقدي انتهى مع روتانا لكن هم لسه رافعين قضايا وموقفين الدنيا كلها وأنا واثقة في قضاء بلدي، واضطريت أرد لأني لقيت السوشيال ميديا.
وأضافت: التصريح اللي نزل من محامي محمد اللي مستولي على السوشيال ميديا ومضاله على عقد بيخليه يستفيد من السوشيال ميديا بتاعتي، وفيه أغاني جميلة جدًا جدًا عاملينها وشوية حاجات بتخلص عشان المشاكل مع الشركة المنتجة، لأن في حد كمان قاصد يقعدني في البيت وبنخلص الحاجات دي.
وأختتمت شيرين عبدالوهاب : مش عايزة أضايقكم لإني عارفة أن كل واحد فيكم عنده مشاكل وهموم، وكل شوية شيرين شيرين والفترة اللي فاتت مكانش ليا تصريحات وانتوا أهلي وسندي وبتردوا غيبتي وبتقفوا لي وكمان بعد إذنكم في بيان رسمي في مكتب المحامي قنطوش وياريت ما تصدقوش غير البيانات اللي بتبقى تصريح مني شخصيا غير كده دي أكاذيب بشكركم يا حباييي وربنا يخليكم ليا.
تابعوا أخبار بلدنا اليوم على Google News
