"مشاعر كتير جوايا".. أحمد فهمي يُعبر عن سعادته بتصدر "بين السطور"

عبر الفنان أحمد فهمي عن سعادته بتصدر مسلسله "بين السطور" تريند منصة "إكس" بعد عرض آخر حلقاته.

وكتب فهمي عبر حسابه على إنستجرام: "الحمدلله الحمدلله الحمدلله .. شكراً لكل اللي اتفرجوا على مسلسل بين السطور ، شكراً إنكم عشتوا معانا رحلتنا واستمتعتوا بيها.. شكراً لكل حد اشتغل من قلبه في المسلسل ده.. مشاعر كتير وكلام كتير جوايا.. الحمدلله".

وعبر فهمي عن سعادته بردود الأفعال على المسلسل، وقال: "احاسيس كتير جاتلي من اول ماقريت #بين_السطور و وقعت في غرام شخصية#حاتم_عز_الدين مش قادر استوعب ان فيه حد بيحب حد للدرجه دي".

وأضاف: "قعدت اتكلم كتير مع المخرج #وائل_فرج اللي بجد استحملني هو و الكاتبه #نجلاء_الحديني استحملوني لانهم عارفين اني بدافع عن #حاتم_عز_الدين من كثر مانا حبيته و عشت معاه رحله طويله مدتها اكثر من سنه مبسوط من كل ردود الأفعال عن المسلسل و عن زمايلي قدام و وراء الكاميرا".

وأوضح: "كلنا تعبنا فيه قوي و لحد دلوقتي ربنا كرمنا قوي قوي .. محدش يحاول يتوقع حاجه .. كل اللي يطلبوا منكوا استمتعوا بالرحله دي زي ماحنا استمتعنا و عشناها .. يارب يعجبكوا .. للنهايه".

وحقق مسلسل "بين السطور" نجاحًا كبيرًا، حيث تصدر قائمة الأعمال الأعلى مشاهدة في مصر عبر منصة شاهد vip.