تحدث الرئيس عبدالفتاح السيسي رئيس الجمهورية، خلال فعاليات مؤتمر حكاية وطن، قائلًا: "إنه حتى عام 2019 لم نكن ننفذ مشروع تجميع البلازما، وعقب بالقول: "لغاية 2019 ما أمكنش تعمل المشروع.. لكن إحنا مصرين إن نعمل كده لغاية لما جت كورونا فعملت تغيير في الفكر العالمي للموضوع ده فكانت الفرصة متاحة".
وأضاف الرئيس، خلال جلسة العدالة الاجتماعية والصحة، ضمن فعاليات اليوم الثالث والأخير لمؤتمر حكاية وطن "بين الرؤية والإنجاز": لما تلاقي تغيرات عالمية اوعى يفوتك تستفيد منها في الوقت ده لقينا ان الناس بتفكر في تشكيل خريطة مختلفة واستعدوا يشتغلوا معانا وتم عمل اتفاق وكنا عاوزين المصنع خلال 2026 يكون شغال هنا في بلدنا.
وتابع السيسي: "الموضوع ده اعتبرته جزءا من تصحيح العادات المصريين لو قدرنا نخليه مشروع قومي لإنتاج البلازما لأن المعايير المستخدمة في قبول العينات صارمة جدا .. لو عملت مركز في أي جامعة يبقا كل الشباب والشابات اللى لو حبوا يتبرعوا في هذا المركز لازم يحافظوا على المسار الصحي والعادات الصحية هتسيب أي خلل مش مقبول".
واصل الرئيس: "دخل المتبرع كتقدير وشكر من المراكز لو مرة في الأسبوع كام في الشهر؟ طيب لو مرتين ؟ رقم معتبر ممكن يتقدم في مصر ملايين والحلم كان ملايين يبقا انا قدرت اجيب دخل من فكرة.. وتبقا البلازما موجودة في مصر ويبقى مسار صحى محترم هي دي قصة البلازما.. عملنا 8 مراكز ومستهدف 20 و 50 و 100 في المرحلة دي.
وأكمل السيسي: طيب هتشوفوا معايير للدول المتقدمة إزاي بتتعامل مع الشأن الصحي بشكل إحنا هنتعلم منه الكثير لان الكلام ده بيتم اعتماده من الشركة الإسبانية وبتشرف عليه بشكل صارم جدًا وإحنا من عادتنا مبنهتمش بالكلام ده.
تابعوا أخبار بلدنا اليوم على Google News
