توأم ضمن أوائل الثانوية الأزهرية : كان هدفنا نفرح بابا وماما و مكالمة شيخ الأزهر أسعدتنا

وأكد الشقيقتان التوأم إنهم أجتهدوا كثيرًا حتى حققوا هذا الإنجاز .

وأوضحا الشقيقتان : "كنا بنذاكر ونجتهد عشان نفرح بابا وماما ويبقوا فخورين بينا".

وأكدا الطالبتان في تصريحات خاصة لـ "بلدنا اليوم" أحنا مكناش بناخد دروس في كل المواد، والنظام الاونلاين ساعدنا كتير في مذاكرتنا، وكنا بنعرف ننظم مذاكرتنا، ومكناش بنسيب مادة عشان مادة تانية، بالعكس كنا بنجتهد في جميع المواد.

وتابعت ثراء: أحنا مكناش بنذاكر مع بعض غير في المواد اللي محتاجه حفظ فقط، أنما في المواد اللي بتحتاج لفهم، كان كل واحدة بتذاكر لوحدها.

وأضافت ميسان: كان بيواجهنا ضغوطات كتير في الثانوية، كنا بننسى دايماً، ومخضوضين طول الوقت، وكنا بنخاف من مذاكرة المواد الطويلة وقد ايه هنخلصها، لكن قدرنا ننظم وقتنا ونفسنا للمذاكرة.

وقالت ثراء: أن شيخ الازهر الدكتور أحمد الطيب، كلم والدها الاستاذ سمير اولاً، ثم مع أخوها، وهما مكناش مصدقين ولحد الآن مفيش حد مستوعب بالمراكز التي حصلنا عليها.

وأختتموا: كان هدفنا فرحه بابا وماما، وبابا قال أن دي أول مره يحس بالفرحه، وازاي هما فخورين بينا وبنجاحنا، ودا اللي كنا عايزينه" فرحه وفخر بابا وماما لينا".