رد الفنان رامي صبري علي اتهامات الفنان عمرو مصطفى بسبب سرقة لحن أغنية الجديدة “يمكن خير” من أغنية “رقصة”.
وقال رامي صبري خلال لقائه ببرنامج أجمد ٧ مع جيهان عبدالله عبر نجوم إف إم: في عشرة طويلة ما بيني وبينه، واتهمني باني سرقت أغنيته وانا مش هسرق اغنية من الفنان المبدع بس الفكرة يوجد توارد أفكار في معظم اغاني بمعني يوجد شبيه في جمل معينة.
وتابع : انا عملت اغنية شبيهة باغنية الفنان عامر منيب اسمها “ ده مكانش حب وهندم ليه؟” وبعديها بسنة عمرو دياب عمل أغنية بتلحينها محمد يحي بتقول اي حاجة بتيجي من ريحة الحبايب و ده مش عيب وأنا ساعتها مطلعتش قولت أنا هتخانق مع محمد يحيى وهرفع قضية”.واضاف: الكلام الكبير اللي قاله عمرو مصطفي عيب لما تكون ملحن كبير وتقول لقدامك ملحن صغير وبتكلم عنه بشكل مش حلو ".
وإستكمل: مشكلة عمرو مصطفي إنه مش مغني ولكن لو حد سرق منه حاجة هيأخذ حقه بالقانون، لأنه تخرج من كلية الحقوق وأنا خريج معهد موسيقى عربية قسم تأليف موسيقي فلما تيجي تتكلم عن متخصص وأنت كلية حقوق لازم تبقى عارف إنت بتتكلم عن مين متقولش أي كلام كده وخلاص”.
وإختتم حديثه قائلاً : عمرو مصطفي لما بيتألق بنجاحه بيطلع يقول للناس وكلنا واقعين ومفيش حد عجبه خالص واغانينا مش حلوة وكلنا اغانينا مسروقة منه انا اضايقت منه علي فكرة علشان ملحبش اقلل من قيمتي وتظهر للناس ممكن تقول رايك زي مبحبش اغانية اغانيه مش حلوة النجم دة مش تمام إنما تقول سرقت مني الكلمة دي كبيرة اوي فانا راجل دارس موسيقي ومتخرج من المعهد العالي للموسيقى العربية زي عمر خيرت وياسر عبد الرحمن موسيقار .
تابعوا أخبار بلدنا اليوم على Google News
