أصبحت قضايا الخلع منتشرة بشكل كبير خلال الفترة الراهنة، حيث تتعدد أسبابها ما بين الخيانة والإدمان والعادات السيئة وكذلك المبررات الغريبة وغير المنطقية، مما يدفع إحدى الطرفين لإنهاء العلاقة الزوجية لعدم قدرته على تحمل ذلك.
وقفت أمراة عشرينية أمام محكمة الأسرة تطلب الخلع من زوجها الذي يعاملها بقسوة، واعتاد خيانتها مع جارتهم حيث تروي "ندى.س" قصتها قائلة: "جوزي عينه زايغة على البنات اللي في الشارع، إحنا متجوزين من سنتين بس وحياتي معاه جحيم".
وأضافت ندى: "تصرفات زوجي مع الستات غريبة لاحظت كده بعد زواجنا بفترة قصيرة جدًا شفت بعيني في الشارع بيعاكس كل وحدة يشوفها، والستات بقت بتشتكي ليا من تصرفاته معاهم وبقيت مش قادرة أرفع رأسي في المنطقة، والناس لسانهم مش بيرحم وإحنا لسه متجوزين ملحقش يزهق مني".
وأكملت الزوجة: "تصرفاته كانت تدل على خيانته حتى اكتشف أمره عند رجوع جارنا من الشغل لقى جوزي مع مراته في أوضة النوم، لقيت جارنا بيدور عليه في كل مكان وبيسألني جوزك فين و لما سألني كانت الكارثة".
وأضافت ندى: "واجهت زوجي بخياتنة رد عليا (أنتي عارفه إني كهربائي ولمبة أوضة النوم اتحرقت وانا كنت بغيرها ليها)، حاولت معاه كتير أوي إني اغير منه لكن هو مصمم و عينه مش بيشيلها من على الستات في اي مكان يروحه هو مدمن حريم".
وأتمت الزوجة: "خلاص زهقت وسيبت البيت وروحت على بيت أهلي، بعدها عرفت إن الجيران ولعوا في شقتي بعد ما سبتها بسبب تصرفاته وسلوكه مع ستات المنطقة، طلبت منه الطلاق هرب من أهلي، فقررت أن أقيم دعوى خلع ضده".
تابعوا أخبار بلدنا اليوم على Google News
