طرحت شركة "كامب" عبر قناتها على موقع الفيديوهات العالمي يوتيوب، دويتو جديد لأغنية "وسلام" التي يغنيها الثنائي إسلام فاروق وكريم حراجي، وذلك بعد فترة خلافات حادة بينهما، والحديث حول عدم تعاونهما معا مره أخرى، لتعيد الأغنية أجواء علاقة الصداقة القوية التي جمعتهما لسنوات.
أغنية "وسلام" من كلمات كريم ناصر وألحان وتوزيع رامي المصري، وميكس وماستر المهندس محمد جودة وجيتار أحمد حسين، وتقوم شركة "قنوات ميوزك" بتوزيع الأغنية على كافة المنصات الرقمية وشبكات الاتصالات والإذاعات.
كلمات أغنية "و سلام"
وتقول كلمات أغنية "وسلام" :
وسلام على الأيام .. على الناس الي طلعوا يا قلبي مش تمام
ورجوع دا بقي ممنوع .. دا كانو معانا في بيوتنا
بياكلم جوع
كده كده خلصت كده .. مش هبقي كبش الفدا .. استنو بس شويه خدو راحه
هنا شفتو مني الهنا .. وعملتو مش من هنا
مش هشوفكم تاني بصراحه
دا صفار جيه في الأنظار .. وشوفت الغدر في عنيكو بقيت محتار
ومنين نجيب سالكين .. نجيب أصحاب تمام
ومش خاينين
هلا باللي يلعب هلا ده حنا منبع قلق .. واللي جي ع الايد مش هيرجع
إحذرو في الكلام فكرو هنا تتسنترو .. ضربه قاضيه وفيكو اوي توجع
انا صونتك وعمري م خنتك .. وجتلي الفرصه ميت مره لكني رفضت
وجيتلك بحب حكيتلك لكن كدبت فيا يا اخويا ليها صدقت
غلط مش هردو بغلط .. صحبي غلك مرض .. في اللي منك شاكك بتخون
قدر فيا يجرح قدر .. خيري فيه بيتنكر .. زي حيه كتير بتتلون
يا كاشات حولتي الاخوات .. قلبتي الدنيا لحكاوي من الدرامات
انا مين ورايح فين .. دا كل طريق يكون اخرو دموع العين
يوعدو بعديها بيبعدو .. استرجلو واظبطو
دا الوضوح مخبطش يوم فيكو
قطعو في سيرتي بتقطعو .. وعليا اتجمعو
وانا الي عشت حياتي براعيكو
ولاقى الكليب رواج سريع فور نشر الأغنية عبر موقع الفيديوهات العالمي يوتيوب، وتداول رواد السوشيال ميديا مقاطع من الكليب، أبرزها جملة (غلط مش هرد بغلط) التي ارتبط بها الجمهور، وجسدها في فيديوهات عبر كافة مواقع التواصل الاجتماعي خلال الساعات القليلة الماضية، خاصة أن كلمات الأغنية ترصد علاقات الصداقة وتحولاتها وتتناسب كثيرا مع المجتمع المصري باختلاف فئاته وطبقاته الاجتماعية.
إسلام فاروق وكريم حراجى
إسلام فاروق وكريم حراجى
تابعوا أخبار بلدنا اليوم على Google News
