سوسن بدر: موهبتي في التمثيل والطبخ.. ومحبش أشوف نفسي على الشاشة

كشفت الفنانة سوسن بدر عن سر موهبتها في التمثيل وتأثير أدوارها على الجمهور حتى لو كانت أدوارا قليلة، مشيرة إلى أنها لا تحب أن تشاهد نفسها على الشاشة على الإطلاق.

وعقبت، خلال لقائها في برنامج معكم منى الشاذلي: وده اللي اتعلمته بعد كده من الأساتذة الكبار اللي اشتغلت معاهم زي عادل إمام ونور الشريف ومحمود ياسين كانوا بيقعدوا يحفظوا ويذاكروا الدور كويس مهما كان حجمه قد إيه.

اقرأ أيضا: رامي عياش: تعلمت الفن في فترة الحرب.. ووالدتي علمتني الغناء من طفولتي

وأضافت الفنانة سوسن بدر: لو فيه جملة أو مشهد واحد بحط فيه كل تركيزي وجهدي، ومش بهتم بمساحة الدور أبدا، وده من شدة حبي لشغلي وشدة إحساسي إن أنا بحب المهنة دي؛ لأن ربنا مدانيش أي موهبة في أي حاجة غير التمثيل والطبخ بس.

وكشفت سوسن بدر أنها تتجنب الخروج من المنزل قدر الإمكان أثناء عرض أعمالها الجديدة، وبعد فترة تبدأ في استطلاع آراء المحيطين بها، لافتة إلى أن الدور إذا كان جيدًا تأتيها الإشادات دون أن تسأل أحدا.

وكشفت الفنانة سوسن بدر أنها شاركت في مسرحية الواد سيد الشغال مع الزعيم عادل إمام منذ بداية العرض، لكنها اضطرت للاعتذار عن استكماله لظروف صحية طارئة، وقالت: أنا اللي بدأت المسرحية مع أستاذ عادل إمام في اللي الدور اللي قامت بيه مشيرة إسماعيل، لكن جات لي حصوة في الكلى، وحاولت آخد أدوية عشان استكمل العروض لكن وصلت لمرحلة خطر فاضطريت اعتذر عن العض وكملته مشيرة إسماعيل.

وعن رأيها في أداء الفنانة مشيرة إسماعيل البديلة لها في المسرحية، قالت الفنانة سوسن بدر: مشيرة جت أنقذت الموقف بشكل سريع جدا كتر خيرها واتصورت المسرحية بمشيرة ودي من الحاجات اللطيفة لأنها عملت الدور حلو أوي.