ليه كممثلين بنسمع كلام المخرج ومبنسمعش كلام ربنا.. أبرز تصريحات محسن محيي الدين

حل الفنان محسن محيي الدين، ضيفًا في برنامج "بالخط العريض" الذي تقدمه الإعلامية إيمان أبو طالب، على قناة الحياة.

نرشح لك: الليلة.. الحلقة الأخيرة من مسلسل "الضاحك الباكي"

وإليك أبرز تصريحات محسن محيي الدين خلال الحلقة:

- احنا شوفنا في مرحلة فيلم (شباب على كف عفريت) الحرب اللي كانوا بيعملوها علشان تفشل التجربة وربنا سبحانه وتعالى نجدنا منها، وحصلنا تحول في حياتنا حسينا إن الناس مش هتشكلنا حياتنا، وفي نفس الوقت تعرفنا على الله، وحسينا إذا كنا غلط وربنا نجدنا لما لجأنا ليه، يبقى هل لما نصلح حياتنا هيتخلى عننا.. طبعا لأ.

- إذا كنت انا كممثل المخرج يقولي إحلق شعرك بحلق أو طول دقنك بربي دقني بسمع كلامه وأنفذه، ليه كممثلين بنسمع كلام المخرج ومنسمعش كلام ربنا، أولى لك أن تسمع كلام ربنا طالما بنسمع كلام شخص.

- إحنا كنا بنقرأ مش بنسمع بس، وكنا بنقرأ المصحف الشريف والتفسير والكتب القديمة.. إحنا طول الوقت كنا بنقرأ قصص ونتأثر بشخص شايف من زاوية واحدة، لكن لما تقرأ من كلام الله عز وجل ورب العباد بتفهم أبعد بكتير من زاوية واحدة.

- شباب على كف عفريت" الذي تولى إخراجه وإنتاجه، وقال إن بعض الموزعين حاولوا إفشال التجربة،ولكن حقق الفيلم نجاحا واستعاد أمواله، وعانى بعض الموزعين الذين حاولوا تدميره بعد ذلك بسبب حرب الخليج وخسروا أموالهم.

- حبيت التمثيل، وكنت بكسب فلوس وأنا طفل، كنت بقبض 50 قرش، وبعدين بقى 2 جنيه، وبعدها 4 جنيه، وده كان وقتها رقم، كان في موظفين بياخدوا 3 جنيه.

- بدأت مسرح سنة 70 مع المخرج كمال ياسين، والفنانة عقيلة راتب، وبعدين عملت 5 أو 6 أفلام، قبل ما أشتغل ما يوسف شاهين، وبعد ما اشتغلت مع يوسف شاهين، حبيت الإخراج، وأخدت قرار إني أدخل معهد السينما قسم تمثيل وإخراج.

- شهرتي بدأت في 1975 بعد ما عملت مسلسل علي بيه مظهر مع محمد صبحي، ومن بعدها فيلم أفواه وأرانب مع فاتن حمامة.

- الفنانة رجاء حسين، كانت أمي فيلم أفواه وأرانب، وزوجها الفنان سيف عبدالرحمن كان بيشغل مع يوسف شاهين، وكانوا محتاجين شباب، فرشحني، وبعدين شاهين اتعرف عليا، ورشحت له أحمد سلامة وعبدالله محمود للعمل أيضًا.

- كان أول عمل ليا كان فيلم إسكندرية ليه، وقالي إنه اكتشف موهبتي بعد ما الفيلم خلص.

- يوسف شاهين حالة فريدة من نوعها، كان له فكر مفتوح على العالم، بالنسبة ليوسف شاهين لما تتفرجي على فيلمه كإنك بتقرأي 10 كتب، الموضوع بيكون شامل فيه ثقافة سياسية واجتماعية ونفسية، عشان كده أفلامه في ناس كانت بتفهمها وناس بترفضها.

- في ناس بعد فترة بيفهموا أفلامه، لما الإنسان بيمر في حياته بتطورات بيشوف الفيلم بعدين بعين تانية، يوسف شاهين ممثل جامد وكان بيحب التمثيل جدًا، وكان بيطلع موهبته في الممثل اللي قدامه عشان كده كان بيكتف الممثل اللي قدامه.

- طلبت والدتى من شقيقى أن أظهر فى هذا البرنامج الذى يعمل فيه، وكانت الفنانة أحلام الجريتلى مخرجة البرنامج، وبداية ظهورى كانت عام 1967، فى أوبريت للفنانة سعاد محمد، وكنت ضمن مجموعة الأطفال التى شاركت معها.

- الفنانة أحلام الجريتلى، هى من اكتشفت محسن محيى الدين، وكانت تقول لأول مرة أرى طفل لا يخاف من الكاميرا، وكانت تدربنا على الإلقاء والشعر والكتابة، وكنا فرقة كبيرة وقتها ولكن كل طفل كان له دور ويتم تدريبه على مهارة معينة فى وقت ما.

- أحببت التمثيل وعملى، وكنت أربح منه أموالا منذ كنت صغيرا، كنا نساعد أهالينا فى الحياة، على الرغم أننا كنا نتحصل على أموال بسيطة وقتها، وشاركت فى أفواه وأرانب، وحينها سألنى أستاذ يوسف شاهين، هل لك أصحاب؟ قولت له أكيد، وحينها أحضرت الفنان أحمد سلامة معي.

- شاركت في أفلام ومسرحيات وأنا في سن صغير، وهو ما أثقل مهاراتي في الفن، وأطلقوا على لقب ملك الديسكو، وكانت وقتها أفلام جون ترافولتا منتشرة، فكنا نتعلم الرقص لنفعل ما كان يفعله، والآن أحيانا أرقص مع نفسي.

- الشيخ الشعراوي قال لنا الفن حلاله حلال وحرامه حرام.

-  ناس كتير حاولت تستقطبنا بعد الاعتزال مثل الصوفية والإخوان.

- التناول في الدراما هو الذي يحدد إذا كانت فلوس الفن حلال أم حرام.

-  يجب الالتزام بـ "دريس كود" في مهرجان القاهرة السينمائي، كل ما الست تظهر مفاتنها بترخص.