ننشر نص أقوال عاملة النظافة المجني عليها بواقعة التحرش في مدينة نصر

أمر المحامي العام الأول لنيابة شمال القاهرة بإحالة المتهم بهتك عرض عاملة نظافة بالطريق العام إلي المحاكمة الجنائية وجاءت أقوال المجني عليها كالتالي.

• نص الأقوال 

ما تفصيلات ما حدث ؟

ج / "اللي حصل أن انا شغالة عاملة نظافة في شركة وبروح الشغل بدرى ويتحرك من البيت ساعة الفجر ونزلت علشان اروح الشغل ومشيت في شارع مطر علشان اطلع على الطريق العمومي علشان اركب مواصلات لقيت واحد ماشي وراي".

"وحسيت إنه بيراقبني فخفت وهديت في مشيتي علشان اشوفة هيعديني ولا ماشي ورايا فلقيتة عداني ودخل حارة متفرعة من الشارع وانا كملت مشي ولما جيت عند الحارة لقيتة واقف وبيقولى فيما معناه متیجی انام معاکی فانا خفت وجريت رجعت ناحية البيت ثاني من الخوف وافتكرت أن في سوبر ماركت بيبقي فاتح جنب بیتی فقولت ارجع علشان أقف عنده".

"علشان مابقاش لوحدى فلقيتة جاي بيجرى ورايا ومسكنى وحط ايده على بقى وكتم نفسي ومسكني من رقبتی جامد وقعد يشد فيه عشان يدخلني مدخل بيت في وانا قعدت أزق بايدي الاتنين فيه لحد لما عرفت اصوت وفي الوقت ده واحد ومراتة خرجوا من البلكونة والراجل فضل يزعق ويقول في ايه ساعتها الشخص اللي كان ماسكني سابني وجري بسرعة وبعدين الراجل اللي طلع من البلكونة حدفلى ميه وبعدين طلعت على الطريق وركبت ورحت شغلي ولما رجعت رحت القسم علشان اعمل محضر وهناك قالولى هنشوف الكاميرات ونكلمك وتاني يوم كلموني من القسم وقالولى تعالى علشان تعملى محضر بعد ما اتأكدو من كلامي".

س | متى وأين حدث ذلك ؟

ج / الكلام ده حصل صباحاً بشارع مطر بـ روض الفرج

س / وما سبب ومناسبة تواجدك بالزمان والمكان سالفي الذكر ؟

ج / "انا كنت رايحة الشغل بتاعى"

س/ وما الذي دعاك للتوجة الى عملك في تلك الساعة المبكرة تحديداً ؟

ج/ "علشان أنا بشتغل عاملة نظافة في شركة ولازم أروح انظف قبل وصول الناس"

س/ واين يقع مقر تلك الشركة ؟

ج/ هي في مدينة نصر

والجدير بالذكر أن النيابة العامة وجهة للمتهم في أمر الإحالة أن المتهم هتك عرض المجني غليها - بالقوة بأن اعترض وجهتها حال سيرها بالطريق العام مطاردا إياه مفصحا عن رغبته الجنسية ملقيا الروع في نفس المجني عليها ملاحقا إياها حتي تمكن من تكميم فاهها بيده للحيلولة دون إستغاثتها متحسسا جسدها.