قال الكابتن أحمد حسام ميدو إن لاعب وسط الزمالك زكريا الوردي كان يستحق الطرد أمام سيراميكا كليوباترا في الجولة الثانية من الدوري المصري الممتاز هذا الموسم.
وأكد ميدو، خلال برنامج الريمونتادا المذاع على قناة المحور أن "الزمالك كان محظوظ إنه كمل ماتش سيراميكا بـ11 لاعب. بصراحة زكريا الوردي كان المفروض يتطرد. ولو الكورة اللي تدخل فيها زكريا الوردي على لاعب سيراميكا بتدخل ثاني مشترك ما فيهاش إنذار تاني وطرد لزكريا، يبقى كدة مفيش حد بيفهم كورة" .
وأشار بقوله "زي ما قلنا على طاهر محمد طاهر إنه كان يستحق الطرد بعد تدخله القوي على قدم باسم مرسي، بنقول على زكريا الوردي، والإسماعيلي اتظلم أمام الأهلي؛ لأن طاهر كان المفروض يتطرد، ونفس الكلام لسيراميكا، سيراميكا اتظلم أمام الزمالك".
وختم بتأكيده أن "حكامنا بتترعب من الأهلي والزمالك، ولازم كلاتنبرج يلاقي حل في الموضوع ده، حكامنا بتترعب من إنها تاخد قرارات مهمة على الأهلي والزمالك وكرة طاهر محمد طاهر وزكريا الوردي خير دليل على كلامي".
تابعوا أخبار بلدنا اليوم على Google News
