أبرز تصريحات سلوى خطاب مع الإعلامية ياسمين عز بعد تصدرها محركات البحث جوجل

تصدرت الفنانة سلوى خطاب محركات البحث في الساعات الماضية وذلك بعد أن حلت ضيفة علي برنامج "كلام الناس" مع الإعلامية ياسمين عز والمذع علي فضائية أم بي سي مصر.

وتحدثت سلوى خلال اللقاء عن أهم المواقف في حياتها الشخصية والفنية ومن أبرز تصريحاتها

كشفت سلوى خطاب، عن صعوبة دخولها التمثيل بسبب إصرار جدتها على دخولها كلية التجارة رغم رفضها، ولكنها التحقت بالكلية بالفعل ثم ألتحقت بمعهد فنون مسرحية

وقالت سلوى خلال اللقاء: في يوم تم نشر في الصحافة عني، وأعمامي شافوها وعرفوا، وحصلت مشكلة وخدت علقة موت منهم، وجدتي قالت لي إزاي تعملي كده، حد يسيب كلية تجارة ويروح معهد الرقاصين , قولتلها في ناس ولاد عائلات بتدخل المعهد، وأوعدك إن اللي انتي ربيتيني عليها همشي عليه، مش إنت بتحبي أمينة رزق، أنا هكون زي أمينة رزق".

وعن عدم إنجابها قالت:" ده قدر من عند ربنا، بس يمكن ربنا عارف حالتي، أنا مفهمش يعني إيه أجيب أطفال ومتحملش مسئوليتهم، وأنا كنت خلاص استهلكت في الجواز من كتر ما أنا متفرغة للجواز، وإن المجتمع ده لو خلفت فيه أنا هتعب، لإن فيه حاجات كتير مش عجباني, وأنا مش فاهمة يعني إيه تربية حديثة؟، وأجيب عيال يقعدوا يقرفوني، يقولولي لأ، نعمل كذا، الله يكون في عون الآباء".

أما عن رأيها في عمليات التجميل قالت:" أنا بخاف من عمليات التجميل ومش مستوعبة الموضوع، أنا بحب أحافظ ولكن لو احتجت عملية تجميل هعملها"

وعن سر حفاظها على رشاقتها قالت: "أنا باكل كل حاجة ولكن بمقدار صغير، وبحاول أنظم أكلي، ولكن دي ضريبة لو مكنتش في الفن كان زماني وزني كبير."

أما عن إتهام البعض لها بعداوة الرجال، قالت: "معرفش الاتهام جه منين، يمكن الستات طلعوه عليا عشان يوقفوا سوقى, مينفعش حد يعادى حد المرأة زي الراجل، أنا بعامل بني آدمين اللي يهمني البني آدم شكله إيه أو البني آدمة شكلها إيه".

وأضافت قائلة: “أنا بحس إن الست المصرية شايلة مهام كتيرة قوي، مطلوب منها فوق طاقتها أكثر من الرجل”.

وصدمت سلوى خطاب خلالا لقائلها بعض الكلمات للمذيعة ياسمين عز قائلة :"ليا واحدة صاحبتي لها آراء عكس آرائك كده وطول اليوم المرأة وحقوق المرأة والكلام, الراجل مش مطلوب منه حاجة غير شغله وياخد باله من بيته، وبدورها, الراجل مش لازم يعمل مجهود عشان يكون جميل هو جميل لوحده".

وحذرتها سلوى قائلة:" كفاية رومانسية والنبي وابقي فكريني لما تتجرجري من شعرك" ، لترد ياسمين قائلة: لا أنا لا أقبل ده عليا أو علي غيري".