دعمت الفنانة فريدة سيف النصر، الفنانة شيرين عبد الوهاب، في أزمتها الآخيرة، بعد تصريحات شقيقها ووالدتها بتعاطيها المخدرات مع الفنان حسام حبيب، ودخولها مصحة نفسية.
وصرحت فريدة سيف النصر عبر حسابها الرسمي على مواقع التواصل الإجتماعي قائلة: "شيرين..ياطيبه ياعفويه ..خللي بالك علي نفسك المرض مش عيب العيب نكمل فيه وبايدنا نخف.اعتزلي كل مايؤذيكي علشاننا وجمهورك واهلك واهم شئ بناتك حبايبك..ربنا يكفيكي شر الأشرار ويبعدهم عنك ربنا يؤذي المؤذي..كل ده جديد عليكي..حسبنا الله ونعم الوكيل..واهلك لا تهلك..خلليكي في حضن حبايبك اللي توجعيهم بجد..كملي يابطله وقومي من حفرتهم واردمي عليهم …وانا كاجمهور شيرين وباعشقها".
وتابعت: "أطالب بتحاليل لكل من يقترب منها أو يحاول وإذا ثبت تعاطيه لاي شئ..أمر نيابي قانوني بعدم الاقتراب..شيرين صوت مصر ياجماعه مانسيبهاش فريسه للي عايزين فلوسها يشتروا بيها الكيف. ربنا ياخد كل مؤذي للناس جميعا ..".
يذكر أن قالت كريمة أبو زيد، والدة الفنانة شيرين عبد الوهاب، إن طليق ابنتها حسام حبيب هو السبب في إدمانها للمخدرات، مضيفة: ان بنتي بقالها 3 أيام بتشرب مخدرات مع حسام حبيب وطردتني أنا واختها من البيت، وأنا اللي اترجيت ابني عشان يدخلها المستشفى عشان مش مآمنة عليها من حسام حبيب.
وأضافت والدة الفنانة شيرين عبد الوهاب في مداخلة هاتفية مع الإعلامي عمرو أديب، ببرنامج "الحكاية"، مساء الأحد: "لو كنا سبت بنتي لحسام حبيب كان ممكن يموتها، حسام حبيب علم بنتي الشرب والإدمان، ورجع عشان يضحك عليها، بنتي كانت كويسة والواد دا رجع عشان يقلب حالها.
واتهمت والدة شيرين حسام حبيب وسارة الطباخ بمساعدتها على تعاطي المخدرات "بيشربوها مخدرات فى شقة فى التجمع"، وطالبت بحماية ابنتها من حسام حبيب "راجع بخطة عشان يضحك عليها، حسام بيشجعها على تعاطي المخدرات".
وطالبت والدة الفنانة شيرين عبد الوهاب، بحماية ابنتها من حسام حبيب، متابعة: استنجد بالرئيس السيسي بإنقاذ ابنتي من طليقها حسام حبيب.
تابعوا أخبار بلدنا اليوم على Google News
