براند أوفيليا مستوحى من الخمسينات.. سماح سليمان: بجهز للكوليكشن الفرعوني

براند أوفيليا للمجوهرات

الثلاثاء 04 أكتوبر 2022 | 11:32 صباحاً
براند أوفيليا
براند أوفيليا
كتب : ياسمين أحمد

أوفيليا المرأة الجميلة الناعمة الرقيقة برواية «هاملت»، حينما انتحرت تخيلها الفنانين التشكيلين غرقانة في أحد الأنهار وسط الزهور، ومن هنا استوحت «سماح سليمان» اسم براند الإكسسوارات الخاص بها، فهي تؤمن بأن كل امرأة على قدر عالي من الجمال، مهما كانت تعاني من الإرهاق والتعب.

فكرة مشروع أوفيليا

اوفيليااوفيليا

سماح سليمان صاحبة الـ 27 عاما خريجة آداب قسم علوم مسرح، يمكن القول بأن تخصصها الدراسي كان سببا لتصميم البراند الخاص بها، وتقول لـ بلدنا اليوم:« بدأت فكرة المشروع وقت ما اتعرضت والدتي لتعب شديد، نتج عنه أني اسيب شغلي لمدة سنة عشان اقعد مع ماما في وقت تعبها، وانا بحب الشغل جدا وبحب من زمان أني اصنع حاجه مميزة، تخليها مختلفة عن غيرها، وتكون بتعكس جزء من روحي وشخصيتي فقررت أبدأ أوفيليا».

حلي وإكسسوارات من النحاس

اوفيليااوفيليا

بدأت سماح تصنيع مشروعها الخاص لتصنيع الحُلي والإكسسوارات النحاس والفضة، وأطلقت عليه اسم أوفيليا، تتابع:« نزلت في تمشية عادي في شارع المعز أسال الناس عن أماكن تصنيع أو ورش تنفذلي الديزاينز اللي أنا رسماها».

خطوات عمل البراند

اوفيليااوفيليا

تمكنت سماح من الوصول لـ ورش النحاسين وبدأت في صنع أول كوليشكن وأضافت:« ولأني متأثرة بفترة الخمسينات، والستينات ده خلى للباكجينج شكل مختلف عن أي حد تاني، حتى اني ببعت جواب للشخص اللي هتوصله منتجات أوفيليا، وده خلى لأوفيليا طابعها السحري والفريد وكأنها هدية جاية من زمن تاني».

إطلاق كوليكشن فرعوني

اوفيليااوفيليا

اوفيليااوفيليا

حاليا تجهز سماح لإطلاق مجموعة جديدة «الثيم» مستوحاة من الأشكال الفرعونية لكن بطريقة مبتكرة وغير مسبوقة، سيكون كوليكشن فرعوني بطريقة أوفيليا وتتابع:« فيه فنانين اشتروا من عندي زي دانا حمدان وميس حمدان وطارق عبد الحميد مدير التصوير ،أروي جوده ، ومي سليم وغيرهم كتير».