خرج الفنان ونقيب المهن الموسيقية هاني شاكر، عن صمته لأول مرة ورد على أزمة مؤدي المهرجانات حمو بيكا، مع نقابة الموسيقيين.
وقال هاني شاكر، من خلال حواره مع الإعلامية إنجي أنور مقدمة برنامج "مصر جديدة": "اللي اتعمل مع حمو بيكا متعملش مع أي حد ولا شاكوش ولا عمر كمال".
وأوضح: "جبناله مدرس مخصوص عشان مخارج الألفاظ وعشان يغنى صح وراح مرة واحدة، وتراجعت عن تنفيذ حكم بحبس حمو بيكا، لمدة عامين، وكتر خيرك دعيت عليا خلال شهر رمضان وأنا عمري ما أذيتك".
وأشار: "هو طيب وأنا حقيقى بحبه.. بس الفن مش بالعافية ومش بالعياط".
وأفاد :"تاريخ حمو بيكا واغانيه فى البداية شئ مخذل وكلنا بنتبرأ منها وجتلك فرصة مرة واتنين والمرتين سقطت ".
واستكمل:"ولو احنا فى بينا وبينك حاجة كنا نفذنا حكم الحبس وانا أعضاء المجلس بنراعى ربنا ومش بنحط حد فى دماغنا ".
يذكر أن حمو بيكا، طالب بعودته للغناء في مصر وحصوله على تصريح من خلال بث مباشر عبر صفحته بموقع التواصل الاجتماعي فيسبوك.
وقال حمو بيكا من خلال البث المباشر :" ليه تمنع الفرحة من على وشوش الناس وحشونى صحابى واخواتى وكل حاجة فى مصر ،أنا بقالى شهر عدى عليا كأنه 100 سنة برا مصر ، مصر أم الدنيا وهتفضل بخير, سيبونا نشتغل جوه بلدنا، أنا هنا شغال بس مش بحس بطعم النجاح غير فى بلدى مصر".
وتابع :"الحمدلله عندى حفلات فى دبى وتركيا ولبنان تكفينى سنة ،انا طالع افضفض معاكوا شوية مش زعلان ان انا مش شغال فى مصر ,انا زعلان انكو حرمتوا جمهورى منى , كل اللى طلبه سيبونى اشتغل زى زمايلى كل مطربين المهرجانات والراب خدوا الكارنيهات مفضلش غيرى".
تابعوا أخبار بلدنا اليوم على Google News
