بسبب «عيش بشوقك».. مصطفى حسن يفتح النار على حمادة هلال

كتب: نور مصطفى

علق الشاعر مصطفى حسن، على تصريحات المطرب حمادة هلال، عبر صفحته الشخصية على "فيس بوك" وكتب: "اولا :-حمادة جه جرب صوته علي الغنوة وده كل المجهود اللي عمله فيها ولا حط كلمه ولا حط جملة لحن ولا فكرة ولا خلافه (ده ردا علي ان الغنوة اتعملت علي ايديه)".

وتابع الشاعر، عن ماحدث بينه وبين "هلال" كاتبًا: "ثانيا :- كلمته كتير عشان نخلص التنازلات وحساب الغنوة وده خلال شهور احيانا يقوللي بدوَّر علي حد ينتجها واحيانا يقوللي لسه بفكر فيها واحيانا مايردش خالص (وهو بنفسه اللي قال ست شهور طب هل خلال الشهور دي ادفعلنا جنيه واحد لأ )".

وأضف حسن عن علاقة المطرب تامر حسني بكواليس الأغنية:"ثالثا:- تامر حسني ملهوش اي علاقة بالموضوع ده هو راجل سمع غنوة من خلال المهندس هاني محروس وحبها وخدها وغناها الكواليس دي بعيدة عنه تماما وكله عارف ان تامر اكتر حد بيشتري اغاني والقصه الماديه دي بالبلدي كدة تامر

فيها (باشا) عمره مابيزعل حد".

وأشار "مصطفى حسن"، الى مافعله "هلال" معه ومع "حسني" مضيفًا: "رابعا :- لما حماده ظهر تاني وكلمني وكان عرف ان تامر غني والله بردو مراعاة ليه فكرت انا وبلال نستأذن تامر ونرجعهاله بس كان تامر صورها اصلا والله تامر قاله لولا اني صورت مااعزهاش عليك باللايفات بتاعتها كمان".

وختم "حسن" منشوره عما حدث: "وربنا كرمنا الحمد لله في الغنوة عشان والله ماظلمناش حد ولا جينا علي حد واتعاملنا بمي يرضي الله والله اعلم".

تحدث "مصطفى حسن"، شاعر الأغنية بعد عدد من تعليقات الفنانين عن حديث "حمادة هلال"، خلال ظهوره في أحد البرامج، وعلق على ذلك "بلال سرور" ملحن الاغنية، وعدد من الفنانين الأخرين.

ومن الجدير بالذكر أن أغنية "عيش بشوقك" حققت حتى الآن "١٣٠" مليون، طبقًا لما ذكره "مصطفى حسن" في منشوره عنها.