كتبت: حبيبه محمد
صرحت الفنانه ناهد السباعي عن فتره تمثيل جدتها الفنانه الراحله "هدي سلطان" بالحجاب،عبر حضورها ندوه توقيع كتاب "10 نساء فواحده".
فقالت السباعي قائله: "جدتى ما اعتزلتش هى عمرها ما كانت بتشوف أنها بتعمل حاجة مش مهمة هى كانت مؤمنة جدًا باللى بتعمله، أن فنها قوى ومهم وأن الفن ده بيربى أجيال وعمر ما كان الحجاب هيأثر على أدائها وفنها أوعلى تمثيلها وده كان بيخلينى ماشوفش الحجاب وماحسش أن فى حاجز ما بينى وما بينها زى ما أنا غصب عنى بحسه مع ناس تانية".
معلقه عن اعتقاد بعض الأشخاص باعتزالها قائلة: "فى ناس كتير كانوا فكرينها أنها هاتعتزل ووقتها ردت جدتى وقالت أنا هعتزل عن إيه أنا مش بعمل حاجة حرام اللى بيعتزلوا هما اللى بيعملوا حاجة حرام".
وأضافت ناهد: أن تمثيلها الحقيقي نضج مع الحجاب، بالاضافه لحبها الشديد لفن جدتها الراحله هدي سلطان وانها دائما تقول "التمثيل أنك لا تمثل وتعيش الحالة بجد وحقيقى نفسى أبقى ربعها".
واضافت ناهد السباعي: "جدتى كانت منسجمة مع الحجاب وقدرت تمثل به وتغنى فى الأوبرا وهى محجبة بنحب تمثيلها بالحجاب جدًا لأنها هى كانت مصدقة فى اللى بتعمله، ومش شايفة أنها بتعمل حاجة ضد مبادئها وقناعتها، وكنت بحب شكلها بالحجاب وأحلى أدورها كانت وهى محجبة".
تابعوا أخبار بلدنا اليوم على Google News
