في الذكرى الرابعة لرحيل والد الفنانة صابرين تنعي والدها بكلمات مؤثرة

أعربت الفنانة صابرين، بكلمات مؤثرة في ذكرى رحيل والدها.

حيث نشرت صورة له من خلال حسابها الشخصي "فيس بوك" وكتبت: «الله يرحمك ياحبيبي، يارب يابابا تكون سعيد وفرحان ومرتاح، مشيت بجسدك لكن روحك وسيرتك فضلت معانا، بس كل ما بتيجي سيرتك بنقلدك ونفتكر حركاتك ونضحك بجد يا بابا أنت كنت إزاي كده، مش شايل هم الدنيا خاااالص وحاسس أنها زائلة طول الوقت».

وأكدت: «كنت تفرح بحاجات بسيطة جدًا، وكانت نظراتك ليه دايمًا بتقويني، مجرد نظرة أحس فيها بكلام كتير، قد إيه يا بابا محتاجة النظرة دي دلوقت علشان أكمل المشوار».

وأضافت: «حبيبي كنت الدعم المعنوي كنت محسسني إني حاجه كبيرة قوي، وكنت دايما فخور بي، يا تري يا بابا أنت عامل ايه دلوقت، إن شاء الله في المكان والمكانة اللي كنت دائما بتدعي ربنا بيها، ونلتقي فيها ونضحك، وهكون برضوا تحت رجلك ياااارب اجعل أبي دائما في ضيافتك وتحت ظل عرشك، النهاردة عدى أربع سنين يا بابا على فراقك، في أمان الله ورحمته يا عمهم».