لهذا السبب.. الجمهور يطارد كاملة أبو ذكري

تصدرت المخرجة كاملة أبو ذكري مؤشرات محرك البحث جوجل بسبب تصريحاتها في برنامج "معكم" من تقديم منى الشاذلي ويعرض عبر قناة cbc.

وخلال حلقتها في البرنامج تحدثت كاملة عن كواليس انسحابها من مسلسل "زي الشمس" الذي عرض في رمضان 2019.

وفي نقاط نستعرض أبرز تصريحات كاملة في البرنامج التي جعلتها تتصدر "التريند":

- انسحابي من مسلسل "زي الشمس" أحلى قرار أخدته في حياتي، كنت صورت أول 10 حلقات وحضرت كل ديكوات المسلسل والملابس حتى اللي صوروا فيها بعد كده.

- مكنتش عاوزة أهزق نفسي وعندي أقعد في البيت ولا أهزق نفسي.

- أنا مسبتش مسلسل "زي الشمس" أنا اضطريت اسيبه، وجودي كان مضايق ناس، قالولي اعتذري كان في تهديدات أن لو مش هتسمعي الكلام مش هتلاقي حد يشغلك وانتى مغضوب عليكي.

- حسيت أن المسلسل دا ميخصنيش ولا عاوزة اسمي يتكتب عليه، وعدى الوقت واتقابلت معاهم واتكلمنا، بس الحدوتة دي أثرت فيها.

- في ناس في المسلسل اتشرفت أني اتعاملت معاهم زي أحمد السعدني وريهام عبد الغفور.

ومسلسل "زي الشمس" عرض في رمضان 2019 من بطولة دينا الشربيني، وأحمد ‏السعدني، وأحمد داود، وريهام عبد الغفور، وسوسن بدر وجمال سليمان وتأليف مريم ناعوم وإخراج سامح عبد العزيز‎.