عفاف رشاد بعد إثارتها الجدل: "ربنا حب يطبطب عليا"

عقلت الفنانة عفاف رشاد، على الجدل الذي تسببت فيه صورتها الجديدة بعدما تم تداولها على مواقع السوشيال ميديا المختلفة، وظهرت فيها بإطلالة شبابية أكثر مما اعتاد الجمهور أن يراها.

وأكدت “رشاد” أنها تستخدم الوصفات الطبيعية للحفاظ على بشرتها، مثل الزبادي والجلسرين، قائلةً: “أنا بحط على وشي حاجات بسيطة في البيت زي الزبادي والجلسرين والليمون وماسكات وماعملتش بوتوكس”.

وتابعت عفاف رشاد: "وسر جمالي إن ربنا حب يجبر بخاطري فصحيت لقيت كل الناس بتتكلم عني وحب يطبطب عليا بكدة لأني نمت وقمت لقيت كل الناس بتجيب في سيرتي، ربنا طبطب عليا في اللحظة دي وكنت محتاجة طبطبة منه".

الفنانة عفاف رشاد

وأكملت رشاد: "أما عجبتني الصورة قلت أحطها على فيس بوك وحطيتها ونمت وفوجئت باللي حصل.. وأنا مالياش خبرة في السوشيال ميديا، أصلًا ولا عمري فكرت أعمل شهرة لنفسي ولا ألفت نظر الناس لي.. فجأة لقيت الدنيا اتقلبت والناس بتقلي أنتي تريند، إتخضيت وخفت وقلت أنا ست في حالي ومعايا ابني أنا عملت إيه بس؟".

وأضافت : "اتخضيت واترعبت لأني ماعرفش يعني إيه تريند .. مافرحتش أوي من كتر التعليقات السلبية على الصورة وابني جراح في القصر العيني اسمه عمر السبكي قالي ذنبي إيه يا ماما اسمع الكلام ده كله؟، لأن الناس قالت إني عملت كده بفلوس محمد السبكي رغم إننا منفلصين عن بعض وعمر سنه سنتين والآن يبلغ 30 عاماً وعلاقتنا كويسة أنا وابنه".