شارك المخرج محمد سامي جمهوره ومتابعيه بصورة تجمعه بزوجته مي عمر على صفحته الرسمية على موقع الانستجرام الخاص به، احتفالًا منه بنجاحها في أول بطولة مطلقة لها في مسلسل "لؤلؤ".
علق على الصورة: "دي صورة ليا أنا ومي من 11 سنة، كنا بنفكر في أحلامنا ومستقبلنا وبنتمنى حاجات كتير ربنا ادانا أكتر منها كمان، عشان حاجة مهمة بعد كرمه وعطاؤه أننا بنحب بعض بجد وبنساعد بعض دايمًا في تحقيق أحلامنا".
تابع: "متهيألي كان صعب أنجح في شغلي من غير مساعدة ومساندة مي ليا طول الوقت، والدعم ده حاجات محتاج مليون بوست عشان تتكتب كلها".
أضاف: "وانهاردة بنحتفل بنجاحها اللي تعبت واشتغلت عشانه كتير، ووفقت بصعوبة بين بيتها اللي مخلياه جنة ليا أنا وبناتي، وأهلها وحياتها وشغلها، وف الآخر نجحت نجاح كبير يفرح بيه كل محب ويثير غيرة وحقد الحاقدين".
اختتم كلامه: "مبروك حبيبتي وبنتي ومراتي الغالية، ودايمًا ناجحة ومتفوقة، تحية لكل ست ناجحة عارفه توصل لنجاحها رغم واجباتها تجاه أسرتها".
من الجدير بالذكر أن "لؤلؤ" بطولة مي عمر، محمد الشرنوبي، أحمد زاهر، إدوارد، نجلاء بدر، هيدي كرم، هدير عبد الناصر، سلوى عثمان، حمدي هيكل، تأليف محمد مهران، إخراج محمد عبد السلام.
تابعوا أخبار بلدنا اليوم على Google News
