حالة من الجدل احدثتها الفنانة يسرا اللوزي، على مواقع التواصل الاجتماعي المختلفة، بعد ردها بشكل قاسي على أحد متابعيها عبر حسابها الشخصي على "إنستجرام"، وصفها بأنها "أم الطرشة.
وذلك في عقب نشر صورة لها من حلقتها فى برنامج "معكم" على قناة CBC مع الإعلامية منى الشاذلى.
ورد عليه يسرا، وكتبت: «شكرًا على ذوق حضرتك.. أنا قررت استغل كلامك اللطيف عشان أقدم شوية توعية بخصوص هذا المصطلح، أولًا، المصطلح الصحيح والمقبول هو الصم وضعاف السمع، وليس الطرش أو البكم، ثانيًا، أحب أعبر عن فخري بكوني والدة طفلة صماء لأنها علمتني حاجات كتيرة جدًا وبقيت بني آدمة أم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة حد عشان تحقق أحلامها».
وتابعت: «ثالثًا، البنت الصماء دي هي اللي ألهمتني إني أتكلم في البرامج وأطالب بالكشف المبكر للمواليد اللي على أساسه كل المصريين هيتعملهم كشف سمع عند الولادة، وده المفروض يساهم بشكل إيجابي في حياة عائلات كتير وهيسمح للأطفال الصم وضعاف السمع إنهم يلاقوا الدعم منذ الصغر عشان يقدروا يتعلموا كويس وما يبقوش عبء على حد، بل بالعكس هيكونوا قادرين يندمجوا في المجتمع المريض للأسف، فبالتالي الطفلة الصماء دي ليها إنجازات أثرت على شعب كامل رغم إن عمرها 6 سنين، ياريت توضحلي بقى حضرتك أنجزت إيه في حياتك؟ شكرًا».
بث مباشر.. مسلسل ضربة معلم الحلقة 30
تابعوا أخبار بلدنا اليوم على Google News
