علقت نادية الكامل زوجة الفنان أحمد الفيشاوي، على الانتقادات التي تعرضت لها الفنانة ياسمين صبري، بسبب تداول صورة حقيبتها التي يتجاوز سعرها 300 ألف جنيه، إلى جوار صورة سيدة فقيرة في الشارع.
أبدت نادية إعجابها بموقف ياسمين بالتكفل بحالة الحاجة نعمات، وعلقت كاتبة عبر حسابها على Facebook: "أنا معرفش ياسمين صبري شخصيا.. بس جدعه وإنسانيتها جميلة، عجبتني وعجبني ردها وتصرفها وإنها قالت وعملت ونفذت اللي قالته.. بنت مصرية جدعة زي معظم ستات وبنات مصر، إحنا غير.. إحنا الستات المصريين .. إحنا الجدعنة والحلاوة، ربنا يبارك فيها ويكرمها .. واللي يقدر علي حاجه يعملها".
تابعت: "ومعجبنيش أبدا من الناس أنهم خدوا صورة ليها فيها شنطتها ويحطوا صورة الست اللي في المطر جنبها ليه؟؟ بتحطوا دي جنب دي ليه؟؟ اهي ياسمين طلعت أجدع من اللي عملوا صور واتكلموا.. اتمنوا السعادة للناس عشان فعلا فيه ناس بتموت وحياتها بتقف بسبب الحكايات دي وان محدش بقي عارف يتبسط حاجته عشان خايف الناس تستخسرها فيه.. دي شنطة يا جماعة!! الست مكفرتش إنها فرحانه بحياتها".
كانت ياسمين صبري قد أعلنت تكفلها بـ"الحاجة نعمات" المعروفة إعلاميا بـ "سيدة المطر"، وذلك بعد تداول صورها خلال الساعات الماضية، أثناء تواجدها في الشارع تحت المطر لبيع الترمس.
نشرت ياسمين صورة الحاجة نعمات عبر حسابها على Twitter، وعلّقت كاتبة: "أنا دائماً بحاول أشوف الجزء الإيجابي في كل سوء تفاهم .. أنا سعيدة إني اتعرفت علي الحاجة نعمات عبد الحميد.. سيدة المطر.. من السوشيال ميديا.. وتواصلت مع الحاجة نعمات والحاج علي زوجها. ويشرفني إني البي كل طلباتها هي وأسرتها.. كل حاجة وحشة بيطلع منها حاجة حلوة.
تابعوا أخبار بلدنا اليوم على Google News
