قام الفنان تامر حسني بتوجه رسالة نارية إلي زوجته المغربية بسمة بوسيل عقب إعلانها عبر سوشيال ميديا يوم الجمعة الماضي انفصالهما، مؤكدا حبه لها.
وفى هذا السياق، ننشر لكم مجموعه من الصور للفنان تامر حسنى برفقة زوجته.
وكتب تامر حسني عبر خاصية ستوري بموقع التواصل الاجتماعي إنستجرام: "بسمة حبيبتي للاسف انتي مفكرتيش كويس وسلمتي ودنك لشر سوشيال ميديا كام تعليق كلامهم فارع نسوكي انك عرفتيني وانا مشهور ودي طبيعة شغلي اللي حبتيني وعرفتني بيها ازاي وصلوكي للبعد والزعل، المهم انا مش هزعل منك ولا هيرضيني انك تزعلي".
وأضاف: "عشان انتي حبيبتي وام عيالي وانا ضهرك وسندك مهما حصل بس اللي عايز اقوله لعل نكون سبب خير في التوعية ناس كتيرة .. لية لما حد بيزعل من حب بيكتب على سوشيال ميديا طب حتى يكلمه الاول اية علاقة الناس بمشكلة شخصين بين اتنين ممكن تتحل بالتليفون".
وتابع: "ربنا جعل بينا مودة ورحمة عشان كدة انتي عارفة ان في ناس طبيعتهم حب خراب البيوت ومش هنخلص منهم بس انتي اللي هتخلصي من فكرة انك تسمعيهم .. مع انك منكتيش كدة".
واستكمل: "ياريت تركزي مع طاقة الناس اللي دعولنا ودعول لاولادنا بكل خير وفعلا انا بشكر كل الناس والفنانين اللي سعوا في الخير لينا وانا واثق انك زعلانة انك كتبتي كدة، هو تصرف متهور منك ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا".
واختتم تامر حسني رسالته: "بينا حب غالي وحياة كريمة واولادنا وبيتنا اغلى ما فيها ربنا يخلينا ليهم متهورة بس بحبك".
وفي سياق متصل، أعادت الفنانة المعتزلة بسمة بوسيل نشر بيان انفصالها عن زوجها المطرب تامر حسني، خلال الساعات القليلة الماضية، وبدء تحضير أوراق الطلاق، بعد حذفه بنصف ساعة، كما قامت بإلغاء متابعة حسابه على موقع إنستقرام، في إشارة لوجود وساطة بين الطرفين لإبقاء الخلافات الأسرية طي الكتمان.
ولكنها عادت ونشرت الخبر بنفس صياغته الأولى وقالت فيه: لكل الناس اللي بتبعتلي صور وفيديوهات لتامر، وشايفة إنه مش بيعملي احترام سواء في صور أو فيديوهات، ياريت تبطلوا تبعتولي أي حاجة عشان مش فارقلي أي صور.
واختتمت: لو سمحتوا احترموا مشاعر كل حد فينا وبطلوا على الأقل تبعتولي أنا أي حاجة .. بالتوفيق للجميع.
ورد تامر بإلغاء متابعة الحساب الشخصي لزوجته، ولكنه لا يزال يتابع الحسابات الخاصة، بشركاتها المتخصصة في عالم التجميل والموضة.
وتداول رواد مواقع التواصل الاجتماعي عدة صور لتامر مع حسناوات من المعجبات، وكذلك مقطع فيديو من حفل خاص أقيم بالأمس، وتردد أنهم السبب في غضب بسمة وطلب الطلاق.
وسبق لتامر حسني أن اعترف خلال استضافته في برنامج "صاحبة السعادة"، المذاع على فضائية "دي إن سي" المصرية بغيرة زوجته بسمة بوسيل الشديدة من المعجبات، ولكنه نفى شكها في خيانته لها.
ولم يصدر من تامر حسني حتى لحظة كتابة هذه السطور أي بيان رسمي منه بشأن انفصاله عن زوجته بسمة بوسيل، فيما ذكرت تقارير أخرى أن هناك محاولات جارية للصلح بينهما.
يشار إلى أن تامر حسني وبسمة بوسيل تزوجها في عام 2012، وأثمر زواجهما عن 3 أبناء.
بسمة بوسيل تكشف السبب الحقيقي لإنفصالها عن تامر حسني
تابعوا أخبار بلدنا اليوم على Google News
