"كل حاجة بتفكرني بيك".. عمرو راضي ينهار من البكاء على رحيل صديقه (فيديو)

الخميس 27 اغسطس 2020 | 07:18 مساءً

كتب : آية محمود

طمأن اليوتيوبر عمرو راضي، جمهوره ومتابعيها، على حالته الصحية، بعدما ظهر في صورة يسير مستندا على عكاز.

نشر عمرو راضي فيديو عبر حسابه الشخصي على موقع التواصل الاجتماعي "فيسبوك"، طمأن فيه جمهوره عليه مؤكدا أن صحته جيدة والأمر بسيط.

ولم يتمالك عمرو راضي نفسه من البكاء خاصة أنه ظهر وخلفه صورة له مه صديقة اليوتيوبر الراحل صديقه مصطفى حفناوي، الذي تحدث عنه مؤكدا أنه يعيش شعورا صعبا لفراقه، وقال: "أنا طالع أطمن الناس عليها، أنا كويس وشكر الله سعيكم ومتشوفوش حاجة وحشه في عزيز ولا غالي بس الموضوع صعب عليا، وأنا والله مكنتش عاوز أطلع قدامكم كده خالص أو أظهر بالشكل ده، لكن الناس بتضغط عليا، الموضوع مش سهل، أنا كويس وربنا يرحمه".

وأوضح راضي، أن حالته ليست خطرة هو فقط يعاني من "ديسك" في ضهره لذا يسير بالعكاز، مؤكدا أنه سيكون بخير والطبيب طمأنه، كما طالب الجمهور بالدعاء لمصطفى حفناوي وقراءة الفاتحة له.

وعلق راضي على الفيديو كاتبًا: "مفيش حاجه ممكن توجع قلبي وتاخد روحي.. زي حزني عليك مع السلامة يا حبيبي، بس عايزك تعرف إني بشوفك في كل مكان.. وكل حاجه بتفكرني بيك وشك مبيفارقنيش مكانك جمبي في العربية.. كرسيك قدامي في القهوة الأكل اللي بنروحله الرغي قبل ما بننام .. كل الصور.. كل الأماكن.. كل البيوت كل الهزار كل التفكير في الماضي والمستقبل ،صحابنا، كل حاجة بتفكرني بيك .. حقيقة أن جسمك فارقني الهروب منها صعب.. بس المستحيل الوحيد أن روحك تفارقني لحظة.. اتعودت عليك وعلى يومي معاك ف سبنا أهالينا وعشنا مع بعض.. رجعتني بيتي لوحدي زي العيل الصغير اللي تاه من أمه في سوق كبير مليان ناس.. فاكر كلامنا وفاكر أحلامنا وأوعدك هحققلك كل اللي كان نفسك فيه! وهشيل صورتك في كل خطوة زي ما شيلتك على كتفي... وحشتني يا عشرتي وونسي.

‎صورة‎