تداول رواد السوشيال ميديا رسالة قامت بنشرها فتاة تدعى"آلاء حسانين" شاعرة وحاصلة على جائزة اليونسكو لشعر الفصحى عام 2015، تحكي فيه عن تعرضها للتحرش من قبل صاحب دار نشر شهيرة في منطقة وسط البلد "عابدين".
حيث كتبت "الشاعرة" آلاء حسانين قصة تعرضها للتحرش، من صاحب دار نشر شهير في عابدين يدعى "م.إ" قبل عام ونصف كانت متواجدة في دار النشر لشراء بعض الكتب وتعدى عليها السابق ذكره بالتحرش وهتك عرضها.
وأنها الأربعاء الماضي، توجهت إلى قسم شرطة عابدين، وتقدمت ببلاغ يحمل رقم 2079 لسنة 2020، وأحُيل للنيابة العامة؛ للتحقيق.
وكان نص الرسالة التي قامت بنشرها كا الأتي"سنة ٢٠١٩ رحت أول مرة لدار ميريت بدعوة من أحد الأصدقاء، كان وقت معرض الكتاب وعملوا احتفال في ميريت بمناسبة مرور ٢٠ سنة عليها. تم تقديمي لمعظم الناس هناك واتعرفت على أغلب الموجودين منهم محمد هاشم اللي كان بيتم الاحتفاء بيه بشكل غير معهود رحب بيا وقالي مكانك وفي أي وقت ومن هذا الكلام
بعدها بيومين عديت على ميريت أجيب كتب كان فيه في الدار شخص من العاملين فيها بالإضافة إلى هاشم، طبعًا رحب بيا وقالي لازم تشربي حاجة. قعدنا نتكلم وكانت إحدى بناته نايمة في نفس الأوضة اللي قاعدين فيها، قالي تعالي ندخل الأوضة التانية عشان ما نزعجهاش أنا طبعا ماخطرش على بالي إن الشخص دا….. قلت تمام ندردش خمس دقايق وبعدين أجيب الكتب اللي عايزاها وأمشي. وبدون أي مقدمات هجم عليا محمد هاشم صاحب دار ميريت وبدأ يمسك جسمي ويبوس فيّا بالغصب اتسمرت في مكاني لأن دا تصرف غير متوقع بالمرة نظرا لأن صورته في بالي كانت كويسة من كلام الاصدقاء المشتركين ولأنه حد عجوز يعني وأنا في سن بنته وكنت بتعامل معاه على هذا الأساس ولأن بينا اصدقاء مشتركين كتير ولأن بنته اللي أنا أصغر منها نايمة في الأوضة المجاورة !! حاولت أبعده عني لكنه فضل يقولي استني شوية واستمر!! وطبعا ردود أفعالي كانت بطيئة بحكم الصدمة لكني في النهاية بعدته عني وقمت ومشيت من المكان وما رجعتش تاني واليوم دا كان من اسوأ أيام حياتي على الاطلاق لما اشتكيت لأكتر من صديق قالي انك مش أول واحدة تقول كدا والكلام دا سمعته من أكتر من بنت في الوسط بتقول برضو إن محمد هاشم اتحرش بيها والظاهر انه معروف بالحكاية دي.
اقرأ ايضا..
القبض على شخصين قاموا بخطف رجل أعمال بالدقهلية
فضيحة أخلاقية مدوية داخل دار نشر شهيرة بوسط البلد
تابعوا أخبار بلدنا اليوم على Google News
