فيديو| عمرو أديب يهاجم إقبال المصريين على السوبر ماركت: "إلي بتعملوه غلط"

هاجم الإعلامي عمرو أديب، إقبال المصريين على السلاسل التجارية، وشراء مستلزماتهم خوفًا من انتشار فيروس كورونا.

وأعرب أديب، في برنامج "الحكاية"، عن غضبه الشديد من الزحام في السلاسل التجارية من قبل المواطنين وفي السوبر ماركات، حيث قام البعض بتخزين السلع.

وتابع: "ليه الاستهلاك للقدرات والإمكانيات والمخزون ده، فيه ناس راحت جابت 40 علبة تونة، ليه يا جدعان 40 علبة تونة، هو احنا في حرب".

وأضاف: " "هل احنا عاوزين نوصل البلد لحاجة إحنا في غنى عنها دلوقتي، انتوا طلبتوا أجازة من الدولة عشان بتقولوا خايفين على عيالكم وكده ولازم يقعدوا في البيت، هي بقى دي القعدة في البيت، كل واحد واحدة يخرجوا ويشدوا معاهم الواد الصغير على المول، كان بقى يروح المدرسة أحسن".

وتابع: "هذه البلد قد حباها الله بمخزون استراتيجي من المستورد 3 شهور ومن المحلي 5 شهور، انتوا عاوزين تخلصوهم في شهر، هذا مرهق وغير صحي، اللي بتعملوه غلط، ده بيزود الإصابة بفيروس كورونا، انتوا بتزقوا للسكة دي".