شارك مطرب المهرجانات عمر كمال عبر صفحته الرسمية على موقع التواصل الإجتماعي "فيسبوك"، مقطع فيديو ظهر فيه رفقة زميله مطرب المهرجانات حسن شاكوش وهما يقدمان رسالة اعتذار للملحن الموسيقي محمد مدين.
قال عمر كمال خلال الفيديو: "إحنا عايزين نشكر الملحن الكبير مدين ونتأسف له لو هو زعلان مننا بس هو مش زعلان مننا أنا عارف، الفيديو ده رسالة اعتذار مني ومن أخويا حسن شاكوش لمدين، الأغنية عاملة 65 مليون بفضل ربنا ثم الناس ثم طبعا اللحن بتاعك اللي هو لحن حاجة مستخبية"
تابع: "إحنا عملنا فكرة بنقلش أو بنهزر مع الناس حاجة خفيفة الحمد لله ربنا كرمنا فيها ونجحت وبعد كده كان لازم الحق يرجع لاصحابه اللحن ده يا جماعة لحن أغنية حاجة مستخبية لمدين ومحمد حماقي".
أضاف حسن شاكوش مطرب مهرجان "بنت الجيران" "أنا بقول لك يا مدين الأغنية نجحت بلحنك، واحنا طبعا لازم نديك حقك ودي أغنية حاجة مستخبية لأخونا وحبيبنا النجم محمد حماقي والفترة الجاية إن شاء الله هنطور من المهرجان وهتشوفوا حاجات حلوة، وأنت يا مدين اللي هتعمل لنا الحاجة دي وهناخد منك لحنها".
يذكر أن شاكوش قدم مؤخرا مهرجان "بنت الجيران" مع عمر كمال ولاقى نجاحا جماهيريا كبيرا، فخلال شهرين تقريبا، شوهدت 60 مليون مرة على موقع الفيديوهات الشهير "يوتيوب".
يذكر أن أغنية "حاجة مستخبية" تم طرحها في ألبوم محمد حماقي "من قلبي بغني" 2012، واستطاعت أن تحقق على "اليوتيوب" أكثر من 65 مليون مشاهدة حتى الآن.
تابعوا أخبار بلدنا اليوم على Google News
