عبرت الفنانة سمية الخشاب عبر حسابها الخاص على موقع التواصل الاجتماعي"تويتر"، عن مدى استيائها من صفة البخل.
حيث غردت سمية الخشاب، عبر"تويتر" قائلة: "البخل صفة بشعة لا تحتمل ومالهاش أي مبررات.. أنا شايفة حاجة في مجتمعنا والمفروض نغيرها".
وأضافت: "أحنا مبناخدش الصحة النفسية بمحمل الجد، يعني لو حد عنده مشكلة نفسية عادي يروح لأخصائي يساعده (اللي بيتعالج نفسيا مش مجنون) افهموا بقي".
واستكملت سمية حديثها قائلة: "وصم أي شخص يعاني من مشكلة ده تخلف، لأنه كده عمره ما هيعالجها بسبب خوفه من الjudgement وده بيطور المشكلة اللي عنده وبنيجي نشتكي في الآخر من تصرفاته وأفعاله وكمان نلومه لو انتحر أو آذى نفسه بأي وسيلة".
كما وجهت سمية الخشاب رسالة لأولياء الأمور قائلة: "النتيجة مبتحددش ذكاء أولادكم، حافظوا على صحتهم النفسية وشجعوهم وتقبلوهم تحت أي نتيجة لأنه حرام صحتهم النفسية تدمر وبلاش المقارنات بتاعت شوف ابن عمك وشوفي بنت خالتك والحاجات اللي بتخليهم يفقدوا الثقة في نفسهم ويكرهوا الدراسة".
واختتمت سمية حديثها قائلة: "التويتات اللي جاتلي الفترة الأخيرة علي قد مانا كنت مبسوطة بحبايبي وأنهم شايفين مستقبلهم كويس أنا شفت بعض التويتات اللي زعلتني بسبب كمية الضغوط اللي عليهم من الأهل والدراسة علي نفسيتهم، من الآخر كده لو عملوا حاجه بيحبوها هيوصلوا لأعلى المراتب حتى لو ال iq بتاعهم صفر، مالهاش علاقة".
تابعوا أخبار بلدنا اليوم على Google News
