شاركت الإعلامية دعاء فاروق، في فعاليات الاحتفال بالمتفوقين من أبناء الشهداء، بنادي شرطة الجزيرة، ونشرت صورًا من هذه المشاركة عبر حسابها الخاص على موقع تبادل الصور والفيديوهات الشهير "إنستجرام".
وعلقت دعاء فاروق، على إحدى صورها من الاحتفال مازحة، "الصورة دي بإذن الله هطلعها لبتوع الونش اللي كل شوية كلبشوا عربيتي، يا اخواننا انا نص الوقت اللي بنزله بدور على ركنة والنص التاني بجري ورا الونش عشان يفك لي الكلبش، أنا عندي عيال عايزة أربيهم، السادة الضباط المحترمين طلبت منهم صورة أخوف بيها أي حد يضايقني وتكرموا ووافقوا، ربنا يحميهم لمصر هم والظباط اللي بنقابلهم في الونش بقينا عشرة خلاص".
وعلقت متابعة على صورة دعاء قائلة: "هما دول بقى مش شامين البرفان اللي حضرتك حطاه؟ لأنهم قريبين منك جدا مش بينك وبينهم متر زي ما حضرتك قولتي في الحلقة".
ردت فاروق على المتابعة: "لا حضرتك مش حاطة برفان مهفهف، وكل واحد أدرى بنفسه وبنوع البرفان اللي بيحطه، كل مشوار وليه بارفان مخصوص، في حاجات خفيفة بتتحط تحت الهدوم محدش يشمها غير اللي حاططها، وفي حاجات نفاذة، هل يا ترى لما كنت بتكلم قلت أنا بحط حاجة نفاذة ولا قلت بحط لنفسي ولأي واحدة صاحبتي تحضنني، مش معقول والله العظيم كم التعليقات على الموضوع ده، وكم الانتقادات اللي خدتها بسبب الكلمة دي، انا بحط جاز محدش ليه دعوه بقى".
يذكر أن دعاء فاروق تقدم برنامجًا اجتماعيًا بعنوان "اسأل مع دعاء" ويعرض على قناة "النهار".
الصورة دي باذن الله هطلعها لبتوع الونش اللي كل شوية يكلبشوا عربيتي 🥴🥴 هو مفيش غير عربيتي ياخواننا انا نص الوقت اللي بنزله بدور علي ركنة والنص التاني بجري ورا الونش عشان يفك لي الكلبش.. انا عندى عيال عاوزة اربيهم .. السادة الظباط المحترمين طلبت منهم أتصور صورة اخوف بيها اي حد يضايقني وتكرموا ووافقوا 😄😄😄.. ربنا يحميهم لمصر هم والظباط اللي بقابلهم في الونش بقينا عشرة خلاص #لا_تخافو_ولكن_احذروا A post shared by Doaa Farouk (@doaafarouk) on Nov 16, 2019 at 6:11am PST
تابعوا أخبار بلدنا اليوم على Google News
