حمدي الميرغني عن إصابة رامي جمال بالبهاق: "الصداع أصعب منه"

أعلن المطرب رامي جمال عبر حساباته الشخصية على مواقع التواصل الاجتماعي "فيسبوك وانستجرام"، عن إصابته بمرض البهاق، عقب ظهور بقع بيضاء اللون في مناطق بجسده، ومعاناته في إخفاء آثاره قائلًا: أنه يعاني منه منذ فترة، ذهب إلي أكثر من طبيب إلا أنهم لم يجدوا حلولًا لها

ودعم الفنان حمدي الميرغني، الفنان رامي جمال، بعد إعلانه عن مرضه بالبهاق، حيث علق حمدي قائلًا: "ربنا يشفيك يا رامي ده مش حاجة أصلا، ده الصداع أصعب منه ياخويا الناس كلها بتحبك، وكل ما تشوفني احمد ربنا واعرف إنك في نعمة".

وكان قد كتب رامي جمال عبر حسابته الشخصية : "الحمد لله الذي أحبني فابتلاني وقدرني على الصبر، من فترة ظهرت بقع بيضاء في جسمي، وبالكشف عرفت إنه مرض البهاق، وجربت أنواع علاج كتير، ودكاترة كتير، ومفيش فايدة، رضيت وسلمت أمري لله عشان عرفت إن الزعل بيزوده، وكفاية شغلانتي وصعوبتها والقلق الدائم من المستقبل، وفعلًا بقى بيزيد لدرجة لفتت نظر ناس كتير.

وأكمل رامي جمال: اللي بقى يقوللي هتتعامل إزاي وأنت فنان، واللي يخاف يسلم عليا، واللي يسألني هو ده معدي، أنا بقالي سنة فعلًا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني أعمله عشان الناس مش هتقبلك كدة، وفكرت في كلامهم بصراحة".

وأختتم رامي : "لاقيت إن عندي حلين يا فعلًا شكرًا لحد كدة على الشغلانة دي، رغم حبي ليها، وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو".

ونال العديد من التعليقات التي جاءت كالآتي "انت انسان و فنان راقي و كلنا نحبك ، ربنا يشفيك يارامي ده مش حاجه اصلاً ده الصداع أصعب منه ياخويا الناس كلها بتحبك وكل ماتشوفني أحمد ربنا وأعرف انك في نعمة، كمل و اعمل اللي بتحبه و احنا معاك و في ظهرك ، حبيبي يا رامي انت اقوي من اي حاجه وفنان و موهوب ونجم وكل ده ولا حاجه قصاد نجاحك وحبك لفنك ربنا يقدرك علي الناس عديمة الإحساس ربنا يخليلك ناريمان بالدنيا"

"الناس بتسألني مُعدي ولا لأ؟".. رامي جمال يعلن إصابته بمرض البهاق