هنا الزاهد ناعية طالعت زكريا: عمري ما قولت بابا غير ليك.. هتوحشني "صورة"

نعت الفنانة هنا الزاهد، الفنان طلعت زكريا، عبر نشرها صورة تجمعها به خلال كتب كتابها على الفنان أحمد فهمي، معربة عن حزنها لفقدانه من كان بمثابة أب لها.

وعلقت هنا الزاهد، على الصورة التي نشرتها عبر حسابها على "إنستجرام"، قائلة: "آخر صورة اتصورتها في كتب كتابي مع ابويا و حبيبي و سندي اللي كبرت معاه سنين، انا فاتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر".

وأضافت: "أنا عايزة اقولك اني معرفتش كلمة بابا غير وأنا معاك، عمري ما قولت اصلا تقريبا بابا غير ليك، كنت بجري عليك اول معمل حاجة غلط عشان تدافع عني قدام ماما، وفاكرة أول بيض اومليت وقولتلي اعملي مطعم " بالهنا والشفا"، و اديتني ١٠٠ جنيه عشان تشجعني اطبخ، كنت دايما تقولي انت هتبقى حاجة كبيرة وكنت بتشجعني، كنت فخور بيا لما اتخرجت و عيطت اليوم ده، انا عمري محسيت انك مش ابويا اللي مخلفني".

واختتمت قائلة:"انا مش مصدقة اني مش هشوفك تاني وأقولك زازي يا زازي.. نفسي ترجع و اقولك قد ايه احنا بنحبك كلنا و اقولك انك اعظم ممثل. انا بحبك اوي و مكنتش اعرف اني بحبك اوي كده هتوحشني يا احن انسان عرفته في حياتي.. ارجو الدعاء".