هاجمت الإعلامية رضوى الشربيني، الشاب مصطفى، المُلقب على مواقع التواصل الاجتماعي بـ "أبو تورتة"، وواست خطيبته في نفس الوقت، قائلة:"مصر والوطن العربي كله طبطب عليكي".
وأضافت الشربيني، خلال تقديمها برنامج "هي وبس" المذاع عبر فضائية "سي بي سي سفرة": موجهة حديثها لـ "أبو تروتة": "محدش علمك زي ما دخلنا بالمعروف نخرج بالمعروف؟ محدش علمك إن بيوت الناس لها حرمة، مش تورتة؟ متعلمتش الفرق بين الراجل ورجل الطربيزة؟ دينك معلمكش إمساك بمعروف أو تسريح بإحسان؟ محدش علمك؟ واضح إن محدش علمك".
وتابعت : "كان عايز يعملها فضيحة بجلاجل، والناس تقول ليه واحد يسيب خطيبته في قاعة الفرح ويمشي، كان عايز يوقف حالها ويسوء سمعتها ويكسر قلبها ونفسها، لكن بقى عبرة، عشان كل قوي فيه الأقوى منه، ومش هتلاقي حد يتجوزك".
ووجهت رضوى رسالة لأهل مصطفى قائلة: "مفيش واحد يقوله حرام عليك يا ابني اتقي الله؟ مفيش فيكم عاقل عنده رحمة ولا قلب يقول لابنهم ارحم البنت وسمعتها؟ أهو انقلبت عليك وهتكون عبرة لمن يعتبر، لأي شبه راجل يفكر يفضح بنت، هتكون دي نهايته"، مختتمة برسالة للفتيات، : "حبي دكر واتخطبي لدكر، اتجوزي دكر، نقي لأبو بناتك دكر، مش أبو تورتة".
تابعوا أخبار بلدنا اليوم على Google News
