في خطوة جريئة وغير تقليدية، أطلق النجم محمود العسيلي أغنيته الجديدة "100 حاجة و50"، والتي أهداها للفتاة القصيرة.
الأغنية من الألحان محمود العسيلي وتوزيع أمين نبيل، تتميز بلحن جذاب وإيقاع شيق.
وتعد تحية للجمال النسائي في كل أشكاله وأحجامه، وتكسر القوالب الجمالية التقليدية التي تركز على طول القامة.
وتقول كلمات الأغنية:
مية حاجة و خمسين حاجة سنتي
لكن أول ما تخطي
كل الناس قدامها توطي
ده جمال يتفات له بلاد
مش محتاجة كعب يعلي
كعبها ع الكل معلي
كل ما تقصر لها كام ملي
تلقى جمالها في عينك زاد
و استرها علينا يارب
أصلها لازم تتحب
لا ماتخشش فيه حربية
بس تخش بسرعة القلب
و استرها علينا يارب
أصلها لازم تتحب
لا ملهاش دي في كورة السلة
ف بتتسلى ب ألفين شاب
ومش فارقة معاها الطول
ماهي واخدة مكانه قبول
تدخل قلبك على طول
من غير حجز ولا معاد
أقصر مخلوقة في القارة
بس تخلي الأجواء حارة
قادرة توقف كل السهرة
على رجل كأنه حداد
و استرها علينا يارب
أصلها لازم تتحب
لا متخشش فيه حربية
بس تخش بسرعة القلب
و استرها علينا يارب
أصلها لازم تتحب
لا ملهاش دي في كورة السلة
ف بتتسلى ب ألفين شاب
تابعوا أخبار بلدنا اليوم على Google News
