توقع الاعلامية والكاتبة غادة حامد كتابها الثاني "اثنين ولا واحد" والمتخصص في العلاقات الأسرية فى التاسع عشر من أغسطس الجارى والكتاب هو دليلك لإنجاح علاقتك بشريك حياتك في كل مراحل ارتباطكما ومهما كانت الاختلافات بينكما حصيلة أشهر الدراسات العلمية لأشهر الباحثين و المتخصصين في العالم اقدمها لكم بشكل مبسط و سهل و عملي وبنكهتنا الشرقية العربية.
"الكتاب عبارة عن دليلك الشخصي جدًا والواقعي جدا أو خلينا نسميه خارطة الطريق في العلاقة مع الطرف الاخر وانا باحب اسميها علاقة مع شريك الحياة لانها فعلا شراكة, وسواء كنت مرتبط, في فترة الخطوبة, متجوز جديد, بقالك 20 سنة متجوز أو أكتر, أو عازب مش متجوز اصلا ففي كل الحالات هتستفيد اما تقرا الكتاب دة لان ببساطة كل حاجة في الكتاب دة من الممكن تطبيقها على أي شريك حياة معاك, أو شخص بتربطك بيه علاقة أبدية , يعني ممكن تكون متجوزتش وعايش مع والدتك أو تكوني عايشة مع والدك أو اخوكي أو ابنك أو بنتك, ممكن تكوني محتاجة الكلام اللي في الكتاب دة عشان تعرفي تتعاملي معاهم بشكل أفضل أو تعلميه لأولادك قبل الزواج أو تفيديهم بيه لو متزوجين فعلا لتحسين جودة حياتهم مع شركائهم و ممكن تكوني هتستعملى محتوي الكتاب كدليل ليكي عشان تفهمي ازاي ممكن تكسبي مديرك في الشغل و تعرفي سيكولوجيته .. باختصار الكتاب ده هو دليلك لأي علاقة من أي نوع مع الجنس الآخر والكلام اللي فيه ممكن ينطبق على العلاقات الاجتماعية بشكل عام".
يذكر أن الكاتبة حاصلة على ماجستير فى الصحافة ومؤسس أول موقع نسائى عربى يختص بدعم السلامة النفسية للمرأة العربية ولها مؤلفات عديدة في مجال الصحة النفسية والإرشاد النفسى منها كتاب عيون حرة بالاضافة للعديد من المقالات المتخصصة.
كتابها الثاني اثنين ولا واحد
كتابها الثاني اثنين ولا واحد
تابعوا أخبار بلدنا اليوم على Google News
