"كان نفسي" اسمع أغنية محمد الشرنوبي الجديدة (فيديو)

أطلق المطرب محمد الشربوني أغنيته الجديدة التي تحمل اسم "كان نفسي"، عبر قناته الخاصة على موقع الفيديوهات الشهير "يوتيوب".

وأغنية "كان نفسي" بتعاون شركة جاما ميوزيك للمنتج محمد جابر،  ومن ألحان محمد الشرنوبي، وكلمات مصطفى ناصر، وتوزيع موسيقي ماهر الملاخ.

وتقول كلمات الأغنية: كان نفسي اقول انه استحاله أفضل كدة

كان نفسي مابقاش حالتي حالة بالشكل ده

كان نفسي اشوفني اكون عارفني والسنين طول السنين جايبة جديد

كان نفسي لما اعيش ماكنش عشت والسلام

كان نفسي افهم قبل ما ابقى كبرت ع العلام

كان نفسي لما اقول كلام ماتوهش فـ الكلام .. كان نفسي لما احكي عني اخش فـ المفيد

كان نفسي اكابر

كان نفسي اعافر

كان نفسي لما تيجي فرصة ابقى قادر

كان نفسي الاقي

نفس اتفاقي

واما اللي فات يضيع ابص ع اللي باقي

كان نفسي الاقي مكان فـ الحياة

متشال لي فيه حد برتاح معاه

يفضل معايا فـ طريق ابتداه .. كان نفسي مابقاش وحيد

كان نفسي مرة يجي لقلبي نوم

من غير ما يبكي ويشكي ف هموم

كان نفسي انام ليلة والصبح اقوم .. ماسألش نفسي انت مين".

جدير بالذكر أن محمد الشرنوبي شارك مؤخرا في مسلسل إيجار قديم، الذي تعاون فيه مع عدد كبير من الفنانين، من بينهم شريف منير وفيدرا وصلاح عبد الله وهشام إسماعيل وميمي جمال، وعدد آخر من الفنانين، وهو من تأليف عمرو الدالي وإخراج طارق رفعت.