تصدر الفنان أحمد آدم، محركات البحث العالمي "جوجل"، بعد تصريحاته الجرئية خلال ظهوره في برنامج "حبر سري"، الذي تقدمه الإعلامية أسما إبراهيم، على قناة القاهرة والناس.
نرشح لك: الزعيم عادل إمام وقف بجانبي في "بخيت وعديلة.. أبرز تصريحات محمد هنيدي
ويُقدم لكم "بلدنا اليوم" أبرز تصريحات أحمد آدم، الجريئة خلال الحلقة:
- مراتي قفشتني وأنا بخونها أكتر من 3 مرات، وهي بتسامحني لأنها بتبقى حاجات مضحكة.
- مراتي كانت بتسامحني في كل مرة بخونها، ودلوقتي رمت طوبتي لما عرفت أن مفيش فايدة.
- أنا اللي كنت بقول لمراتي على خيانتي ليها ولما ألاقيها بتحرجني بأقول لها أيوا بخونك، ومرة تانية قالت لي لو قفشتك مع أي واحدة تخلع وتنهي العلاقة ما بيننا، وأنا لما بتواجه ما بعرفش أكدب وبعترف بخيانتي وأقول لها أيوة حصل والبيت أهم حاجة.
- الشغل مع عادل إمام، حاجة تانية وهو كان بيحبني جدا ولما عرفته على المستوى الانساني حبني أكتر وأنا من جمهوره.
- عادل إمام مع أصحابه بيشيل كل الحواجز وبيبقى في تواضع وبيطلب رفع الألقاب، وهو بيفيد كل اللي معاه وبيشوف الدائرة اللي حوليه، وهو محترف وفنان وإنسان.
- محمد صبحي مؤمن بديكتاتورية التنفيذ وديمقراطية الحوار، وهو من أعظم مخرجين الوطن العربي وعمل مسرحيات تفضل شغالة لـ30 و40 سنة وأفكارها عالمية، يتفرج عليها أي حد.
- صبحي بيبقى في دماغه تركيبه وشكل الضحك والموضوع وبيبقى لهم تركيبة صعب تخش تبوظها، وهي مش ديكتاتورية على قد ما هي إن الممثل جزء من الصورة مش الصورة كلها.
- كنا بنصور مشهد من فيلم إحنا بنتبهدل فى سوريا بدون تصريح، وهو مشهد البحث عن ابني وحيد وكان لابد أن يكون هناك بعض الأعلام الخاصة بالعراق إضافة إلى صورة صدام حسين، وعند تصوير المشهد فى أحد الميادين الشهيرة هناك، وظهور صورة صدام حسين فى الشارع والأعلام العراقية تزايدت فى أيدي المجاميع فوجئنا بجهة أمنية أمامنا وسط هروب جميع فريق العمل ولم أجد أحد معي.
- فوجئت ببعض الأشخاص من جهة أمنية قاموا باصطحابي لأحد الكافتريات للحديث معي، وفور معرفتهم بشخصيتي الحقيقة وأنني أحمد آدم الممثل، رحبوا بي وساعدونا على تصوير باقي المشاهد بشكل طبيعي، الأمر الذي جعلني أتواصل مع باقي فريق عمل الفيلم الذي هرب لاستكمال التصوير.
- حاسس إني ممكن لو عملت شغل مع ماجد الكدواني هنكسر الدنيا، وهو من نوعيات الكوميديانات لا يدعي الكوميديا، وبتطلع منه تلقائية، وبيضحك من خلال الشخصية.
- ماجد لطيف ودمه خفيف وفي كيميا بينا حلوة، ومشاهدنا مع بعض دمها خفيف.
- أنا وهنيدي لما بنشتغل مع بعض بيكون في كيميا عليا بينا واشتغلنا مع بعض افلام ومسلسلات، وبرضو صلاح عبدالله وممكن أحمد رزق.
- ويجز بيعمل طفرة وعامل نوع غناء جديد وهو مش راب ولكن اسمه تراب، وهذا التراب هو شبه المزيكا العالمية النحاسية الجامد اللي بره.
- أغاني الرب مش بفهمها وطول الوقت حاسس إن في حد هيهجم عليا.
- في تمرد في كلمات أغاني الراب وده اللي خلى في مغنيين زي ويجز ومروان بابلو وهذه النوعية من المغنيين الشباب.
- أزمة المسرح ستظل موجودة طول ما الدولة أيديها برة المسرح، والقطاع الخاص مش عايز حاجة من الدولة إلا إنها تخفض الخدمات.
- الدولة لازم ترخص التكاليف لأنه في حال عدم ترخيص الضرائب والرسوم وما إلى ذلك، ده سينعكس على ثمن التذكرة، وكمان مفيش دعاية وإعلانات للمسرح في مصر زي زمان.
- كنت لسه مخلص مسرحية "عطية الإرهابية"، وجالي أستاذ عصام إمام وقالي عاوز أعملك مسرحية أنت ويسرا وأشرف عبد الباقي، وأشرف اعتذر فقولتله نجيب هنيدي، وعملنا بروفات مع الأستاذ سمير العصفوري، والمسرحية أن يسرا أختنا الكبيرة ودكتورة ولما بتحصل مشاكل بتشتغل رقاصة، وفي مرة قابلت أستاذة يسرا وسألتها إن كانت هتشارك في المسرحية لأن كان في عروض تانية اتقدمت لي وقالت لي أنها مش هتشتغل وطلبت مني مقولش لحد، ومبقتش عارف أعمل إيه.
- بعد فترة اتصل بي عصام إمام وقالي أن يسرا مش هتشتغل، وأنا قولت له أني مش هشتغل طالما هي مش موجودة، فقالي أنه هيجيب فيفي عبده، وأنا مع الانفعال قولت له مش هشتغل مع فيفي عبده، كنت أيامها بفكر أن فيفي عبده عندها حفلات وأفراح ومش هيبقى في التزام بمواعيد المسرح كان دا السبب وأستاذ عصام تفهم الأمر.
- لما اتعرضت المسرحية وشوفت التزام فيفي عبده وأنها مقفلتش ليلة عرض واحدة حسيت أني غلطت في حقها واتسرعت وأنها ملتزمة أكتر من فنانات تانيين، وشفتها بعدها واعتذرت لها، هي إنسانة وفنانة جميلة.
- الأنسب في تقديم شخصية نجيب الريحاني هو الفنان صلاح عبدالله، كما أن الفنان محمد صبحي قام بأداء هذا الدور، إلا أن الفنان صلاح كان هو الأنسب.
- السيرة الذاتية في الشرق تكشف مدى إيجابية الشخصية وأنه شخص مثالي ولم يعمل أي شئ سيئ، إلا أن الأعمال الذاتية في الغرب تحكي الواقع كاملًا.
- إمكانيات بهاء سلطان كبيرة جدًا وله أشكال غنائية مميزة، وكسوفه هو من أضاعه".
- إنسان طيب وسليم النية، إلا أن سلامة نيتة غير مطلوبة الآن في الفترة التي نعيشها، كما انه يفضل أن يستمع لأغاني الفنان بهاء سلطان كثيرًا.
- كنت في علاقة مع فنانة اشتغلت معاها مسرح، ومكنش من طرف واحد، الست لما بتحب راجل بتعرف تجيبه، ومكانش فيه حكاية جواز هو كل حب لازم يحصل فيه جواز، الجواز بيموت الحب ياما الحب من غير أمل أسمى معاني الغرام.
- ولا هي طلبت جواز ولا أنا عرضت عليها جواز ولا كنا نعرف بعض عشان نتجوز، بنستريح للكلام مع بعضينا، كان حب مش من طرف واحد، ميتقاليش أنا كلام زي ده، أنا ممكن أحب واحدة وهي ولا تعرف، مينفعش أبان إن أنا بجري، ومعملتهاش ولا مرة من وأنا طفل.
تابعوا أخبار بلدنا اليوم على Google News
