حلت النجمة يسرا، ضيفة في برنامج "أسرار النجوم" الذي تقدمه الإعلامية إنجي علي، عبر نجوم إف إم.
نرشح لك: رامي عياش: تعلمت الفن في فترة الحرب.. ووالدتي علمتني الغناء من طفولتي
ويُقدم لك"بلدنا اليوم" في هذا التقرير أبرز تصريحات يسرا، خلال الحلقة.
- سعيدة بتكريمي بجائزة "اليسر الفخرية الذهبية"،في مهرجان البحر الأحمر السينمائي، وبتواجدي مع نجوم عالميين مثل شاروخان وشارون ستون.
- اتعرض عليا في الثمانينيات مبلغا مخيفا للعمل في السينما العالمية من خلال فيلمين في أمريكا، والاتنين ما عجبونيش، وكمان فيلم فرنساوي برده ما عجبنيش، والنهارده لما بشوف تاريخي الفني.
- أنا ست عالمية والعالم بيعرفني من خلال شغلي في بلدي وبيتي ومكاني، ويوسف شاهين كان أول من عرفني بالعالم الخارجي، وأنا محظوظة بالناس اللي اشتغلت معاهم مثل عادل إمام ويوسف شاهين.
- أنا ونيللي كريم، في سرايا عابدين شغلنا كان قليلا مع بعض، في روز وليلى مع بعض في معظم المشاهد، والعمل فيه فريق أمريكاني ولبناني ومن مصر خلطة فنية غير عادية.
- مشهد الإعدام من فيلم "امرأة آيلة للسقوط" عام 1992 إخراج مدحت السباعي، المخرج قالي إنه هيبني ليا غرفة إعدام خاصة، لكنها طلبت منه أذهب لغرفة الإعدام الحقيقية.
- روحت وشميت ريحة الموت، رغم إني ما كنتش شايفة حاجة، ووقفت مع عشماوي بس قلت له أوعى تشد الإيد بالغلط، ورجعت البيت متقطعة لأنهم بيربطوك بأحزمة وأنا اتسحلت في الأرض بجد مش تمثيل، لأن رجلي ما شالتنيش، ولما وقفت على طبلية الإعدام ما حسيتش بالدنيا.
- ما ينفعش أنساق ورا الشخصية، لكن أفضي طاقتي جوه الشخصية في العمل، لكن حلو إن ينفع أعمل التوليفة إن يبقى عندي ألف وش من خلال أعمالي.
- سأقدم مسلسل من 30 حلقة في رمضان المقبل، وكان من المفترض أن يخرجه المخرج عمرو عرفة لكنه اعتذر لانشغاله ويتولى الإخراج المخرج الشاب عمرو صلاح، وهو عمل يدور في أجواء اجتماعية لايت كوميدي.
- لأننا حوالينا حرب وكورونا ونكد في نكد فنضحك بقى شوية.
- تاريخنا الفرعوني فيه حاجات حلوة أوي قصص وبطولات وانتقام، إحنا ليه ما بنعرفش نعمل ده حلو، وليه ما بنعرفش ناخد من ده.
- كنت محظوظة إني عرفت ألتقي عظماء زي سعاد حسني وفاتن حمامة وعمر الشريف ونادية لطفي وشادية وفريد شوقي مجرد إني وقفت قدامهم بس.
تابعوا أخبار بلدنا اليوم على Google News
