مدين لعامر منيب بالفضل.. أبرز تصريحات تامر حسين مع منى الشاذلي

حل الشاعر الغنائي تامر حسين، ضيفًا في برنامج "معكم" الذي تقدمه الإعلامية منى الشاذلي، على قناة cbc.

نرشح لك: ابتعدت عن الغناء لأنني أحببت التمثيل.. أبرز تصريحات صابرين

ويقدم لك موقع بلدنا اليوم أبرز تصريحات تامر حسين، خلال الحلقة.

-  الكوبليه الأخير من أغنية "3 بنات" للهضبة عمرو دياب، تم حذفه.

- في معلومة بقولهالكم لأول مرة إن الأغنية دي آخرها حلم، واحد كان بيحلم، في فانتازيا، يعني مكنش من الطبيعي حد يقابل 3 بنات مرة والتلاتة يرحبوا بيه ويعزموه، فكان في كوبليه محذوف في النهاية.

- ودة الجزء المحذوف "ليه يا نوم صحيت ده يوم على كيفي.. ده حلم كان جميل كسرت مجاديفي.. لو حكيت للناس هيقولوا ده خياله.. هيقولوا لي دي قصة تأليفي".

- قدام مرايتها دي بنتي ليان، لأن أنا شخص مليش خلق أقف استنى حد، ليان نيجي خارجين وإحنا ع الباب تقولي أنا عايزه اغير الفستان فتغير وتقيس كتير وتقولي ده أحسن ولا ده.. وقتها كان عمرها 4 سنين.. ومالك وقتها كان لسه مولود وبشوش فعملت له "اللي عنده ضحكة زي دي".

- الكيميا بيني وبين عمرو دياب كويس وبعيد عن الشغل أنا من معجبيه ويعجبني إصراره والشغف والحماس وهو انسانيا وفنيا عظيم.

-  عمرو دياب نجح في الحفاظ على مشروعه الفني ولديه طاقة ملهمة لجميع من حوله والبحث عن النجاح طوال الوقت.

- عمرو دياب طول الوقت بيقول أنا عايز انجح وطاقته ملهمة لكل اللي حوله وهو مشروع.

- أغنية وياه كانت وش السعد كله، أنا أعرف عمرو دياب من 2007، وفي 2009 اتقابلنا في أغنية وياه وخدت أحسن أغنية في أفريقيا.

- بعتها لعمرو مصطفى وماكنتش عاجباه في الأول وحس أنها شبه أغاني عبدالحليم حافظ، ومش هتعجب عمرو لأنه بيحب الأغاني المهيبرة، وعنده طاقة جميلة في الشغل، قدمها لعمرو دياب، فقالنا تعالوا على الاستديو، فوجئنا بإنه غناها مباشرة بعد توزيعها مع حسن الشافعي.

- كسرت القاعدة المتداولة في الوسط الغنائي، بأن من يتعاون مع عمرو دياب لا يتعاون مع تامر حسني والعكس.

- أنا عشان كده كتبت لتامر حسني، ده كان أكتر سبب مستفز، لأن أصلا عمري ما شوفت عمرو دياب مهتم بصراعات، وأكيد تامر في الناحية التانية زمايله ما سمعوش ده.

- حسيت إن الناس كانت عاملة حساسية ومحدش كسرها، حتى تامر كان متخيل إن ممكن يبقى في حساسيات وكده وتامر بيحب عمرو دياب جدا وبيحترمه وقالي ده.

- عامر منيب كواليسه حلوة جدًا في الشغل.. واشتغلت معاه 3 أغاني، جيت على بالي وحظي من السما كان اسم الألبوم.

- عامر منيب كان دايمًا يقولي عمرو دياب لو شافك هيشتغل معاك.. وبعد وفاته حسيت إني مدين له بالفضل.

- المقربين من عمرو دياب مسمينوا يا حظ.. لأنه وشه حلو على الناس.