نشرت سيدة ثلاثينية، مأساتها عبر مواقع التواصل الاجتماعي في الحياة وعدم قدرتها على رعاية 3 أفراد من عائلتها أخيها وزوجها وأبيها بسب وجود إعاقة لكل واحد على حدة.
وبالتواصل مع السيدة، التي تدعى أماني سعيد بخيت، من محافظة الزقازيق، قالت: "لدي٣حالات إعاقه زوج ،وأب، وأخ، كل فترة بيحتارو يقعدو بمين فيهم في المستشفى ومفيش مراعية في المستشفى العام مذلولين بمعنى الكلمة، تمن الكشف مش معانا، ومحتاجين علاج طبيعي وجلسات غالية وكرسي وعلاج" .
وتابعت: "محتاجة دكتور يتكفل بالعلاج أنا من الزقازيق، مبقتش قادرة على ٣ حالات عجز الأب والاخ والزوج، الأخ معاق وضمور بالمخ من صغره، الزمن عمال يجري وهو مريض برده، والأمل في شفاءه ضعيف، مطلوبله حقنة تمنها عشر آلاف جنيه".
وأضافت: "محتاجة كرسي كهرباء لأخويا، لأنه بقى شاب وايديه معووجه مش هيقدر يزق كرسي وغير حالته النفسية المتدمرة، والدتي مش هتقدر على خدمته، وبقا جسمه تقيل عليها مبيعتمدش على نفسه خالص، ووالدي مريض وقعيد مبيمشيش وحاله قدم سكري وشلل حركي من سنين وضاف ليه رجليه تعبت من سنه من ساعتها مبيقدرش يوصل لحمام حتى بيستخدم حفضات كبار سن قبل رجله كان بيقدر يتسند، وجت رجله وفقدته المشي خالص وذراعه مقطوع بتر فوق الكوع ومحتاح لجلسات".
وأكملت: " زوجي مريض نوبات صرع حادة والصرع بيعرضه إن وشه يتكسر بالشكل دا وليه عمليه كبيره جدًا وارزقي يوم بيومه ومن يوم الحادثه لاشغل ولا دخل رزق ومعاه عيلين ال ٣ والـ ٣ لا علاج ولا جلسات ولا دخل ولا اكل حتى حالات دول يبقو والدي واخويه وزوجي".
واختتمت: "كل الأوراق الطبية موجودة والبطاقات الشخصية، وياريت صوتي يوصل للرئيس عبد الفتاح السيسي، ويعيشنا في حياة كريمة، أنا واثقة إنه لما يوصلوا صوتي، هيقف معانا".
تابعوا أخبار بلدنا اليوم على Google News
