تصدر هاشتاج "عصام صاصا مش مجرم" مؤشرات البحث في جوجل ومواقع التواصل الاجتماعي، وهي حملة أطلقها نجوم المهرجانات وأصدقاء صاصا لدعمه بعد القبض عليه واتهامه بالقتل الخطأ لأحد الأشخاص أعلى دائري المريوطية مما أسفر عن وفاته.
مشاهير المهرجانات
نرصد لكم أبرز النجوم الذين دعموا عصام صاصا بعد القبض عليه
ودعم نجوم المهرجانات عصام صاصا بعد اتهامه بالقتل الخطأ وغير مقصود، حيث طلبوا هؤلاء المشاهير من جمهور صاصا أن يتفاعلوا مع هاشتاج "عصام صاصا مش مجرم" والرجاء عدم توجيه أي انتقادات أو اتهامات والوقوف عن نشر الأخبار الكاذبة.
حرص حمو بيكا على الوقوف بجانب صديقه عصام صاصا في أزمته الأخيرة ونشر بوست عبر حسابه على إنستجرام: عصام صاصا عمره في حياته ما كان مؤذي أو شخص مش كويس، أنا أعرف الراجل ده من سنين السنين كمان.. خبط واحد بعربيته قضاء وقدر.
مشاهير المهرجانات
دعم مؤدي المهرجانات مصطفي عنبة الشهير ب"عنبة" عصام صاصا من خلال نشر مقطع فيديو على حسابه الرسمي إنستجرام وقال: أول حاجة إنا لله وإنا إليه راجعون.. أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم.
وأضاف: أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها» مضيفا:«أنا عارف إن مفيش فلوس في الدنيا هتعوض ابنكم».
واختتم حديثه: بلاش حد يفهمكم حاجة عن الراجل اللي انتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل.
حرص المطرب المعتزل علي قدورة، على دعم صديقه عصام صاصا في أزمنة الأخيرة من خلال فيديو عبر حسابه على تيك توك قائلاً: أنا كلمت عصام صاصا إمبارح وهو في حالة سيئة مبيتكلمش كلمتين على بعض، يعنى حالته لا تسمح أن أي حد يكلمه، وأنا كنت بتواصل معه من 5 أيام ومكنش بيرد، وكنت عايز أطمن عليه بأي طريقة مكنش بيرد خالص طبعا هو موقف صعب ولا نملك إلا الدعاء ربنا يصلح الأحوال.
وأضاف: إحنا كل يوم بنشوف نفس الحادث وياريت محدش يعدي على طريق سريع، وبلاش نسمع من غير دليل ونعيد ونزيد في الموضوع، وبلاش نتكلم في حاجات إحنا مش عارفينها، وربنا ينجي أخويا وصاحبي منها على خير، لأني مشفتش منه حاجة وحشة وبحبه بجد وقلبي عند قلب المتوفى، ربنا يرحمه ويغفرله.
حودة بندق من أول الداعمين لعصام صاصا في أزمته الأخيرة وكتب عبر حسابه على فيس بوك: أنا كنت عامل حادثة كبيرة على الدائري، وربنا نجاني منها الحمد لله، والحيوان اللي خبطنا بالعربية من وره كان راكب عربية، نقل طار وموقفش شافنا حتة موتنا ولا حصلنا إيه، اللي عايز أقوله في موضوع عصام صاصا، أن عصام وقف ومجراش بعد ما خبط المتوفى الله يرحمه ويصبر أهله، فعصام غلبان وطيب بلاش بقي السوشيال ميديا والناس اللي عايزة تعمل تريندات وحاجات بايخة عيب بقي.
تابعوا أخبار بلدنا اليوم على Google News
