كشفت الفنانة مروة عبد المنعم، سبب وحقيقة ارتدائها الباروكة طوال الفترة الماضية، والسبب أنها تعاني من أزمة نفسية شديدة، وذلك من خلال نشر بوست عبر حسابها الرسمي على فيسبوك.
سبب ارتداء مروة عبد المنعم الباروكة
وكتبت مروة عبد المنعم: وأخيرا إفراج نهائي من الباروكة، بعد دوامة نفسية سيئة جدا دخلت فيها وصلتني لـ٧٠ كيلو وسقوط شعري بالشكل ده اتضطريت ألبس فيها الباروكة... وواحدة واحدة بدأت أفوق بفضل ربنا وارجع لوزني وشكلي لكن فضل شعري في الأزمة وطبعا هو ماتعالجش بنسبة 100% بس أخذت الأمر بالإفراج عنه وتكملة العلاج عادي.
مروة عبد المنعم
وأضافت: أنا كان فيه ناس كتير تقعد تقولي انتي لابسة باروكة ليه شكلك مش حلو فيها بس ماكنتش عايزة أقول وقتها ولا عايزة أتكلم بس كان الكلام يوجعني قوي ويزعلني على نفسي جدا.
مروة عبد المنعم
واختتمت: الخلاصة يا جماعه محدش ينتقد حد على شكله... محدش عارف جوه الكواليس فيه إيه بلاش نقد وتعليقات دلوقتي أنا أقدر أقول وأتكلم ولا أخجل أنا مريت بأزمة نفسية كانت صعبة عليا جدًا عمري ماكنت أتخيل إن الوجع النفسي ممكن يدمر بالشكل ده لحد ما عشته وجربته بس اللي كان يوجع أكتر هو تدخل الناس في شكلي ولبسي للباروكة أنا عايزة أقولكم أنا أكتر إنسانة في الدنيا لا لي في ميكر ولا باروكة ولا أي حاجه صناعة وكون فكرة إني اربط حياتي بباروكة كنت بتخنق وبموت منها فمكنش ناقص تعليقات كمان، دلوقتي أقدر أقول لكل الناس اللي قالتلي انتي لابسة باروكه ليه اتفضلوا حضراتكم الصوره تتحدث عن نفسها.
تابعوا أخبار بلدنا اليوم على Google News
