عُقد مساء اليوم، قران "مريم" ابنة الدكتور حسام موافي، أستاذ الحالات الحرجة بكلية طب قصر العيني، مساء اليوم، وذلك بحضور الدكتور محمد عثمان الخشت، رئيس جامعة القاهرة، والشيخ خالد الجندي والدكتور سعد الهلالي، ورجل الأعمال محمد أبوالعينين.
قال الدكتور حسام موافي خلال عقد قران ابنته "مريم": "الشعور اللي أنا حاسس بيه معرفش أوصفه، هل أنا سعيد ولا متّاخد، لكن أنا هقول للعروسة والعريس كلمتين، مضيفًا، "مرة كنت مع الشيخ خالد الجنيد في فرح، وقال للعريس والعروسة عقد الزواج هو عقد تنازلات من الطرفين، اللي مش قادر يتنازل ميتجوزش".
وتابع أستاذ الحالات الحرجة بطب قصر العيني: المشاكل الزوجية بتحصل من عدم التنازل، ياريت تبقى تتكتب بند من بنود العقد، مردفًا: كنت بقرأ القرآن ولاقيت آية جميلة جدًا بتقول "وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ"، سألت نفسي يعني آية قالت معجزة، وإن اتنين يعيشوا مع بعض دي معجزة.
وأكمل: لو روحنا نحج 10 أيام بنيجي متخانقين مش مستحملين بعض، لكن دي ست قاعدة مع راجل تلاتين وأربعين سنة وشايلاه في عينها، فالآية معجزة بس أنا حسيت المعجزة من الآية اللي بعدها "ومن آياته خلق السموات والأرض"، كل واحد يخلي باله من الآيات دي والتنازلات، وهيعيشوا إن شاء الله في سعادة دايمًا.
تابعوا أخبار بلدنا اليوم على Google News
