غضبت الفنانة هند عبد الحليم، من منتقدي ازالة الحسنة السوداء من وجهها، عبر حسابها الرسمي بموقع تبادل الصور والفيديوهات "انستجرام".
علقت قائلة:" لتوضيح حاجة كمان بما إن الناس بقت بتقول كده في الوش ومش بيحسوا بحد فيه ناس كتير قالت إني عملت مناخيري ونفخت وشي وشفايفي انا عملت كل ده؟ إمتی طیب وفين؟".
وتابعت: “ هو انتوا مش عارفين أن البني آدم ملامحه بتتغير مع مرور السنين، وهو نفسه أصلا بيتغير مش بيروح يعمل عمليات في شخصيته ولا أحاسيسه، بس الحاجة الوحيدة اللي مش بتتغير إنه هيفضل بني آدم بیحس وبيتوجع فحطوا نفسكوا مكان الناس”.
أضافت:" مش لازم تخلوني عملت وغیرت وشيلت الحسنة اللي كانت فيها موهبتي أو الحسنة الوحيدة اللي كانت فيا زي ما ناس كتير قالت برافو يا جماعة استمروا خليكوا أشرار أكثر وأكثر اتبسطوا".
تابعوا أخبار بلدنا اليوم على Google News
