تحدث المطرب أحمد سعد، عن سبب إهدائه جائزته للفنان محمد رمضان، في مهرجان الفضائيات العربية 2023، خلال لقائه مع ET بالعربي.
قال أحمد سعد:" دا حبيب قلبي، الناس دايما تحب التحدي والمنافسة، أنا شخصيا لما بشوفه بتبسط وهو بيتبسط لما بنهزر مع بعض، جت لي مكالمات في إيه بينك وبين رمضان في كل الحب بينا".
تحدث أحمد سعد عن النجاحات الكبيرة التي حققها خلال الفترة الأخيرة قائلا:" اتبسطت أكتر من الناس بحفلاتي الأخيرة، بشكر ربنا دايمًا، لأن طول عمري بتعب وبعمل كل اللي علي، لكن ربنا كرمني، ومبحبش الناس اللي بتقول إن زادت عبقريتي وفهمي للسوق الفني عشان كدة ربنا أكرمني، أنا ربنا اختار يكرمني دلوقتي لحكمة يعلمها".
تابع:" زمان كنت بغني أغاني صعبة وفيها طرب، دلوقتي بحب الناس تغني معايا، حاليًا مش خايف من الغرور، لأن فيه فرق بين الغرور والثقة بالنفس، وأنا بعيد كل البعد عن الغرور، بمتن بالفضل للناس اللي وقفت معايا، منهم الملحنون والشعراء هما السبب الرئيسي في نجاحي".
تابعوا أخبار بلدنا اليوم على Google News
