"أصالة تشوق جمهورها لألبومها الجديد : "خايفة كأني أول مرة أغني"

شوقت الفنانة السورية أصالة، الجمهور، لألبومها المصري الجديد بعنوان «لحقت نفسي»، والذي يضم حوالي 6 أغنيات، والمقرر طرحه خلال الفترة المقبلة.

وقامت أصالة بحذف جميع صورها من على حسابها الرسمي بموقع التواصل الاجتماعي «إنستجرام»، واكتفت بنشر حملة ترويجية لألبومها المصري الجديد، وعلقت قائلة: «بقدّملكم لكم كلّ الأوقات الحلوة المليانة محبّة وصحبة وعمل دؤوب لإنجاز مشاهد منّ مواقف من مشاعر..أغاني بتحكي عنّي وبتحكي عنكم.. عشنا أنا وحبيبي شريكي وصديق الرّوح فايق أيّام طويلة بأماكن كتيرة لنرسم كلّ صورة وكيف لازم تطلع بأحلى وأطيب مايمكن».

وأضافت أصالة: «بدًي أشكر كلً صديق عزيز موجود اسمه بالأغاني الستّه اللي رح تسمعوها وبعد وقت قليل رح أتبعهم بستّ أغاني بتقديم مختلف.. وشكرا لأخي وسندي أنس وفريق كبير معه بيساندني وبيفكًر لي.. وشركة كبيرة مجتهده رائده بالموسيقى وكتير منّ باقي الفنون بيتي الحنون (روتانا ) وكل اللي فيها يشتغلوا بحب وبتحسّ إنهم ولاد الشّركة الكبار ..وادارة اعمالي صديقي طوني سمعان موجود معي بكلّ صغيره وكبيره وكلّ عيلتي اللي رأيهم بيهمني وكل اصحابي الّلي برّروا غيابي وقدّ مااشتاقوا لي اشتقت».

وتابعت: «الموسيقى وطن رح ننضمّ إله أنتوا وأنا لنسمع نفس الحكايه بذات الوقت.. مابخفيكم خايفه وكأنًي أوًل مرّه رح قدّم لكم أغاني.. كتير تعلّقت بكل أغنية غنّيتها ويمكن فيه أغاني عدتهم أكتر من 10 مرّات وبكلّ مرّة كنت عم دوّر على ستّ أنا بعرفها والقصّة قصّتها وعندا شخصيّة ضروري تكون حلوة والجمال اللي بشوفه فيها بتمنى تشوفوه متلي بتمنّى الأغاني تخلّلي أوقاتكم حلوة».

واختتمت أصالة: «كلّ المحبّة وكلً الإمتنان على أيّام كتيره ساندتوني فيها وقوًيتوني وفيكم كبرت.. هلّأ أنا عم ردّ محبّتكم بمحبّة بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله ..الّلي عمّ قدمه بطريقتي لوطني الغالي ( الموسيقى) هو أحلىوأغلى ماعندي بفضل الله».

ويذكر أن آخر اعمال الفنانة أصالة، هي أغنية «الحب الأبدي»، التي تعاونت فيها مع الفنان ماجد المهندس، والشاعر الغنائي فائق حسن زوج أصالة، والملحن محمود خيامي، والموزع الموسيقي للمايسترو مدحت خميس، ميكس وماستر جاسم محمد، والفيديو كليب من إخراج المخرج نهاد أوداباشي.