فادي خفاجة.. حرصت الفنانة عبير صلاح الدين، دعم الفنان فادي خفاجة، بعد انهياره في فيديو له في خلال بث مباشر على "التيك توك" لقلة مشاركته في أعمال فنية.
وكتبت عبير صلاح الدين منشورًا، عبر حسابها الشخصي بموقع التواصل الاجتماعي “فيسبوك”، قالت فيه: “فادي خفاجة.. أنا مقدرة شعورك وإحساسك بالظلم، بس معلش ربنا كبير ومتعرفش الخير فين، مش يمكن يفتحلك باب رزق آخر غير التمثيل؟!”.
وتابعت:" أنا بطلب من الناس اللي بتدخل تهاجم الفنانين، فيه ممثلين محترمين والله، وقاعدين في بيتهم من غير شغل، ومنهارين نفسيًا فبلاش القسوة عليهم، دول مش ناقصين ربنا يعينهم، ارحموهم شوية بقى، ومش هتبقوا انتوا والزمن عليهم.. ربنا يعينك يا شرف الدين يا ابن ونيس.. وكل ممثلين ونيس".
وتصدر الفنان فادي خفاجة، ترند موقع البحث الشهير “جوجل” رغم قلة الأعمال الفنية التي تعرض عليه، مما أثار الجدل خلال الساعات الماضية.
وقال فادي خفاجة، عبر حسابه على تطبيق موقع الفيديوهات القصيرة "التيك توك": "مين معندوش أخطاء، أجدع واحد في لايف هنا لو قعد ثانية مع نفسه، هيلاقي نفسه كله أخطاء".
وتابع: "أقرب صديق ليا هو اللي بيهاجمني، البني آدم الوحيد اللي كنت منتظره في غلطي، يدافع عنى ضربني في ضهري، مهما قالوا متكلمش هتكلم عشان أقل حقوقي إني أشتغل، لكن ما فيش فايدة أنا قاعد في البيت من غير شغل".
وانفعل فادي خفاجة خلال اللايف بألفاظ خارجة للمتابعين، وانفعل على أحد أشقائه بعد أن طلب منه قفل اللايف قائلًا “ أنت أخويا، نفعتني بأيه، ده أنت مش عارف تدفع قسط عربيتك ”.
ولم تكن هذه المرة الأولى لمشاركة فادي خفاجة الجمهور قلة الأعمال الفنية التي تعرض عليه، ففي عام 2022، أعرب فيها عن استيائه من الموقف.
وكتب فادي خفاجة، وقتها عبر حسابه بموقع التواصل الاجتماعي "الفيسبوك": "طيب إيه يا مخرجين ومنتجين مصر لو العبد الله بعد العمر ده كله، مشتغلش في مسلسل واتنين وتلاتة، مين اللي يشتغل يا ولاد المهنة والأصول".
وتابع: "ممكن أتحدى أي مخرج أو أي شركة إنتاج بكفاءتي ودراستي وعمري وخبرتي، والله العظيم لو قالولي بطلها لأبطلها، مشكلتي اني واثق في نفسي بفضل الله، وربنا الحكم والعدل، ومطرح مترسي ندقلها".
تابعوا أخبار بلدنا اليوم على Google News
